الحسينى : ذهاب المعلم الى المدرسة فى الاجازة الصيفية مسرحية هزلية فى نظام عقيم وعجيب
قال احمد الحسينى مدرس بمدرسة الفشن الثانوية بنين ببنى سويف ، لم أجد مبررا على الاطلاق لضرورة ذهاب المدرس فى الاجازة الصيفية الى المدرسة ولم ولن اقتنع بذلك... سبحان الله على هذا النظام العقيم والعجيب ؛
اضاف " الحسينى " عبر صفحته
الشخصية على موقع التواصل الاجتماعى الفيس بوك ، اذا كان المدرس مرتبط اصلا بوجود الطالب
..واين هو الطالب فى الاجازة دا رقم واحد..ثانيا لم يكن المدرس مرتبط باى اعمال ادارية
بالمدرسة ....انا عارف ان فى ناس عندهم مبررات خايبة للموضوع ده وانا هرد عليهم ببساطة.
1- ناس هتقول دا عمل ولازم نأديه من أجل
الحلال والحرام
2- وناس هتقول التوقيعات لازم نذهب علشان
نوقع فى الدفتر
3- وناس هتقول لازم من التواصل مع المدرسة
لان ايه ال يضمن وجودك ممكن تكون مسافر او لاقدر الله حصلك حاجة اوبتعمل عمل اخر مثلا
4- وناس هتقول الاجازة للطلبة فقط وليست
للمدرس..
5- وناس هتقول علشان متابعة الخطط وكتابة
المناهج ووضع الجداول وغيره وغيره من الاراء
لكن تعالوا نحسبها بالعقل والمنطق بعيدا
عن الببروقراطية والروتين والاراء ال عفا عليها الذمن
اولا الحلال والحرام يقيم عند الله بالعمل
الفعلى داخل الفصل ودا بيكون ايام الدراسة
ثانيا التوقيعات ممكن تتم من خلال جدول
زمنى او تقسيمة رسمية وليست ودية بين المدرسين باختيار يومين فى الاسبوع للذهاب الى
المدرسة ومتابعة اى شئ تحتاجة المدرسة وبكدا يتم التواصل
ثالثا المناهج والخطط والجداول مواعيدها
معروفة وملهاش علاقة بالاجازة
من هنا لابد ان يعلم الجميع ان المدرس ليس
سخرة او الة يتحكم فيها كل من هب ودب من المتابعين المنتمين للتربية والتعليم وغيرها
دعونا من قشور الامور وركزوا على جوهرها
....وهناك سؤال مهم هل ذهاب المدرس فى الاجازة هيصلح من حال التعليم ومع ذلك انا بقول
هيذهب يومين رسمى وباليومين دول هتتحل كل الامور السابقة بلاش نتعقب خطوات المعلم ونحسسه
بانه سلعة معطوبة لابد من القضاء عليها او نراقبه ونتعمد ايزاءه
ياجماعة لم نصل للحلول بالايذاء اوبالرسم
وفرض العضلات او باستغلال المناصب فبدلا من مبدأ الترهيب نحاول ان نجرب مبدأ الترغيب
وبدلا من ان ننظر الى السلبيات فقط ونعاقب
عليها.. فننظر الى الايجابيات ونثيب عليها انزلوا الى ميدان العمل ليس من اجل رصد الاخطاء
ولكن من اجل المساهمة ودفع الهمم ورفع الرو ح المعنوية
وبدلا من الاسلوب الجاف الغليظ نستخدم الاسلوب
اللين..... سيبكوا بقا من تنفيذ اوامر ما انزل الله بها من سلطان اوكتابة تقارير حبر
على ورق ليست مطابقة للواقع ..لابد ان نصالح انفسنا ونعترف بالمسرحية الهزلية ال اسمها
تعليم ونعيد صياغتها بما يتناسب مع الظروف والواقع المرير الذى نعيش فيه ويجب ان نعيد
الادوار قبل ان نرفع الستار... يا من تدعون حبكم لهذا الوطن العظيم ابحثوا عن الحلول
الايجابية للتعليم بجد وكفانا كلام وخطط لا بتودى ولا بتجيب....
....التوقيع معلم ...............
يتمنى ان يكون تصنيفه صحيح .....
