الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
أخبار مدارس

عايز تضيع تعبك؟ كمل ف ستيم ..عايز تضيع ثقة أهلك فيك؟ كمل ف ستيم عايز تكسر نفسك ونفس أهلك ومتعرفش تحلم بعد كده؟ كمل ف ستيم

مهازل مدارس المتفوقين44% من الطلاب ملاحق وراسبون .. الطلاب : "عايز تضيع مستقبلك؟ كمل ف ستيم .. أولياء الأمور:" اوعوا تدخلوا أبنائكم "ستيم" خشوا عام وانتو متطمنين"

السبت 14/يوليو/2018 - 10:16 م
صورة من تعليقات اولياء
صورة من تعليقات اولياء الامور

أكدت نتائج مدارس المتفوقين في العلوم والتكنولوجيا أن نسبة كبيرة من الطلاب لا تقل عن 45% لم يحلفهم التوفيق هذا العام وكشفت النتائج أن 56% فقط من الطلاب اجتازوا امتحانات الدور الأول بنجاح للعام الدراسي الجاري  ما يعني أن الباقين من الطلاب مصيرهم إما الرسوب أو البقاء للدور الثاني .

 

"اوعوا تخشوا ستيم خشوا عام وانتو متطمنين ان دا القرار الصح.. 175 اتظلموا ملاحق مع انهم لو في عام كانوا دخلوا كلية طب مستريحين وبدون اي ضغوطات ولا وجع دماغ ولا توتر اعصاب.. احنا مش بنبالغ والله دي الحقيقة بس اللي مفهمك ان ستيم دي جنة زويل سبهالنا قبل مايموت يبقا غلطان.. اوعا تنسى انك في مصر مش اليابان ..بلدك فاشله وعايزاك"..هذه رسالة والدة طالب بمدارس المتفوقين للعلوم والتكنولوجيا "ستيم " وهناك مئات الرسائل التى تحمل نفس المعنى وأكثر ..!!

وتابعت والدة طالبة أخرى "بصراحة انا كنت بقول لبنتى تدخل وتخوض التجربة وكنت مبسوطة جدا من نظامها وكانت حصلت على  98.8 فى الاعدادية لكن انا بقول الذى يريد أن يدخل لغاية تانية وبعدين يحول عام لانى الى حصل هذه السنة فى نتيجة ثالثة مهزلة وكارثة فى حق العيال دى لانهم متفوقين ولازم الكل يعرف ويفكر اكثر من مره ومش عارفين هيعملوا ايه ربنا يستر انتم بخروج النتيجة أدخلتم كارثة فى كل بيت" .

وأكدت مصادر بوزارة التربية والتعليم إن النتيجة تعبر عن أزمة كبيرة تمر بها تلك المدارس لأنه من المفترض أن تلك النوعية من المدارس يدخلها أفضل الطلاب علميًا بعد الإعدادية وأنها تقدم خدمة تعليمية مميزة وبالتالي من غير المنطقي أن يرسب كل هذا العدد إلا إذا كان هناك خلل ما، معتبرًا أن هؤلاء الطلاب أصبح مصيرهم مجهولًا بعد الإخفاق في النتيجة.

 

وأضافت :أن مدارس المتفوقين في العلوم والتكنولوجيا مدارس تتفاخر بها وزارة التربية والتعليم حتى إنها تسعى إلى نشرها على نطاق واسع وبدلًا من وجود 9 مدارس فقط، تسعى الوزارة إلى أن يكون هناك مدرسة على الأقل في كل محافظة، إلا أن نتيجة المدارس هذا العام تدعو إلى دراسة الوضع لمعرفة أسباب إخفاق الطلاب وتحولهم من طلاب متفوقين علميًا إلى طلاب راسبين أو باقين للدور الثاني.

وقال ولى أمر أخر" انا اسف ع التدخل يعني عشان الصراحه الموضوع زاد و فاض .... لما يبقى اكتر من نص الدفعه ف كل مدرسة شايلين و تلتها عايد السنه دي مش كارثة و فشل لستيم!! كفاية يا مستر طبطبة على نظام فاشل ماعادت الطبطبة عليه ننفع "

وكتب طالب أخر حالفة التوفيق وتمكن من النجاح " دفعة لم ينجح احد، الله يسامحكوا حتى اللي نجح مش عارف يفرح بسبب اللي عملتوه، حرفياً يوم النكسه في ستيم، الناس اللي بتفكر تكمل او تحول اظن واضح ان متفكرش اصلا وحول واللي بيفكر يدخل المدرسة دلوقتي اقدر اقوله ميدخلش ياريت ودي نصيحة.. المنظومة بتسوء وبتفشل والحمدلله اللي عداني منها ع خير، انا مش هنكر فضل المدرسة عليا بس الحقيقة سنة تالته غطت ع اي ميزه كانت فيها في السنتين اللي فاتوا و ربنا يصبر باقي الدفعه بجد، انتوا عملتوا اللي عليكوا وزياده وتشرفونا في اي مكان برا المدرسة وذنبكوا انكوا اتحطيتوا في المكان الغلط مش اكتر " .

وتابع طالب أخر "

عايز تضيع مستقبلك؟ كمل ف ستيم

عايز تضيع تعبك؟ كمل ف ستيم

عايز تضيع ثقة أهلك فيك؟ كمل ف ستيم

عايز تكسر نفسك ونفس أهلك ومتعرفش تحلم بعد كده؟ كمل ف ستيم

ستيم لو حلوة جميلة وبتعلمك ف ده ف اولى وتانية وخلاص شكرا، المدرسة اتقلبت سبوبة من الوزارة من الشركات اللي بتعمل مناقصة سواء ع الأكل أو الأمور التنفيذية .

مفيش لا وزير ولا مسؤول ولا حد ولا طالب ولا مدرس ولا مدير فاهم حاجة ف ام النظام او ف التنسيق او ف الامتحانات او اي "...." حرفيا لو عندك اي سؤال ف النظام لو واحد صحبك ميعرفوش مش هتلاقيله اجابة

حابب تضيع نفسك 9 شهور ف المذاكرة وتتفشخ اكتر من بتاع ثانوي عام وتلاقيك شايل وانت متعرفش شايل ايه؟ أو تلاقي واحد كان بيغش شايل وانت لا؟ او تلاقي واحد انت حالل احسن منه جايب اعلى منك؟

حابب تكمل ومتبقاش عارف نتيجتك امتى؟ ولا تنسيقك هينزل امتى؟ حابب تكمل وتخش امتحانات مفيهاش كلام ذاكرته طول السنة؟ وتشيل الامتحانات دي؟

حابب تكمل وتفتح النتيجة اول حاجة تبص عليها مواد الرسوب وتلاقيها 3 او 4؟

اشطا كمل وعيش الوهم..اللهم بلغت اللهم فاشهد عشان ميكونش فيه واحد قلتله يكمل واشيل ذنبه " .

ونشرت طالبة أخرى صورة من داخل مدرسة ستيم المعادى ومكتوب على أحد جدران قاعات المذاكرة كلمة " إهربوا "..وكتبت تحتها " مبدئياً الصورة اللي انتم شايفنها ديه كانت كلمة "اهربوا" مكتوبة في تراس من تراسات المذاكرة. و أقدر اقول انها احسن نصيحة شوفتها. مش هقول يا ريتني كنت أخدت بيها، لأني عندي يقين أن لو ربنا اختارلي المكان ده -اللي ما يعلم بيه إلا ربنا- يبقي أكيد خير ليا مهما كانت نتيجته بقي علشان خلينا متفقين ان مش كُل اللي حولوا جابوا اعلي من ٩٨ ٪. الله أعلم كنت هكون من أنهي فئة فيهم" ...

وتظلم معظم الطلاب من اللائحة التنفيذية الصادرة من الوزارة في ٢٠١٣ لشهادة ستيم ..والتى تنص على ضرورة حصول الطالب على ٦٠٪ فى كل مكون من مكونات المادة والتى تنقسم الى 4 مكونات هى المفاهيم والقبول والإستعداد الكابستون، اعمال السنة فى حين أن إمتحان إستعداد القبول للجامعات والذى يعادل40% من المجموع الكلى لم يتم التنويه عنه بشىء قبل الإمتحان ولم يتم التعرف عليه .

وكشف طالب أخر "الموضوع ملوش اي علاقة بالمدرسة أو المدرسين أو كمدرسة داخلية نهائي، لأنهم بالنسبة لى كانوا هم اللي كانوا بيهونوا علينا السنة ديه و وقفوا جنبنا بطريقة أكنهم أهلنا و بردة أحنا كـ صحاب كُنا ب