أم مكلومة لـ "وزير التعليم " : انقذنى بناتى فى خطر

وجهت وليه أمر وأم  لتلميذتين بالمدرسة رسالة استغاثة للدكتور طارق شوقي وزير التربية والتعليم قالت فيها "بناتي في خطر بسبب المدرسة وماعنديش واسطه علشان انقذهم"

وإليكم نص الاستغاثة

دلوقتى بناتى الاتنين الصغيرين مش بيروحوا المدرسه عشان بعيدة جدا عن بيتنا واحده داخله اولى ابتدائي والتانيه داخله كى جى تو وبنتى الكبيرة عندها عجز فى عينها وبتروح المدرسه رايحه رابعه ابتدائي بتنزل من البيت الساعه ٦ الا ربع تركب عربيه المدرسه ترجع الساعه ٤ العصر.

 طبعا مافيش وقت تذاكر بتيجى عنها مجهدة جدا بقالى ٥ سنين من ساعه مادخلت المدرسه بحاول انقلها السنه الا فاتت رحت مديرية التعليم السكرتيرة قالتلى هاتى وسطه الا هو اولعى انتى مالكيش دهر .

ده غيران مصاريف العربيه الا بتروح بيها عبأ عليا زيادة انا ام معيلة لبناتى لسه عارفه ان طلبات النقل الا عملتها لبناتى التلاته اترفضت قالوا ماخدوش غير من رابعه ٥ طلبات هل كل الاسباب الا ذكرتها لبنتى الا عندها عجز فى عينها ميخليش لها الاولويه للنقل المدرسه من عندى ربع ساعه مشى قريبه منى اوصل ازاى لمسؤل يساعدنى عشان انا تعبت معنديش وسطه