الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
تغريدة وبوست

اول قصيدة اعتذار لـ "بسملة " .. يابرئية خليكى جرئية .وواجهيهم بجمالك المتشال .. اسفين بالنيابة وياريت النيابة تادب الغلطان

الإثنين 26/نوفمبر/2018 - 02:37 م
مختار معتمد
مختار معتمد

اعتذر الزميل مختار معتمد الصحفى بجريدة الجمهورية بطريقة الخاصة للتلميذة "بسملة " التى سخر منها مدرس العربى وقال لزمايلها فى الفصل مين يعرب "بسملة بنت سوداء"  لتدخل بعدها فى اكتئاب وترفض الذهاب للمدرسة بقصيدة رائعة عبر صفحته الشخصية على موقع التواصل الاجتماعى "الفيس بوك "


بسملة.. اسمك وحده اية وجمال 
يكفى انه بداية لكل سورة فى القران
واللى سخر منك خسارة نقول عليه انسان 
انتى عارفه انك شبه دم الغزال 
والمسك لونك 
وضحكة عيونك 
تتاقل بالمال
يابرئية خليكى جرئية 
وواجهيهم بجمالك المتشال 
جوه القليب الابيض المليان بالحنان 
ولو ينفع تبدالى اواصفك باوصافى
اناموافق من غير شروط 
وهكون ومبسوط وفرحان
وانت يامربى الاجيال 
حسابك مش جزا ونقل 
الحساب فى الاخرة بميزان 
بدل ماتنور الناس بالعلام 
رجعت للجاهلية وبتعاير التلامذة بالالوان
اسفين بالنيابة وياريت النيابة تادب الغلطان
#بسملة_اجمل_بنت_فى_مصر