العبادى : مسئول كبير بالتعليم العالى وصل الى منصبه بطريقة " سلملى على صاحبى "
الجمعة 04/يناير/2019 - 04:09 م
قال عبدالرحمن عبادى محرر شئون التعليم العالى بصحيفة الاهرام المسائى ، منذ فترة كنت بسأل عميد معهد مهم عن مشروع قومى مهم حضرته تسبب فى تعطيله بسبب مصالح شخصية ..بدل ماحضرته يرد على ويقولى ليه عمل كده..رد عليا رد غريب جدا بقوله:(سلملى على فلان بيه _إللى هو رئيس مجلس إدارتى _دا صاحبى جدا)
اضاف "عبادى " عبر صفحته الشخصية على موقع التواصل الاجتماعى " الفيس بوك " ، ثم استطرد قائلا اوعى تكتب حاجة فى الموضوع دا ..ودا كان كفيل بإنى اسيبه وامشى ..من فترة العميد دا بقى مسئول عن أهم مجلس لشئون التعليم العالى فى مصر بعد فشل مساعيه يكون رئيس جامعة وطبعا برضه شغله كله على طريقة سلملى على صاحبى ومش محتاجة اقولك ان فعلا الطريقة ديه هى إللى وصلته للمنصب الكبير
