ads

خدمات

الامتحان التجريبي ..فرصة للتجربة الصح

الجمعة 22/مارس/2019 - 04:18 م
 

الان وبعد ان اعلن الدكتور طارق شوقي وزير التربية والتعليم تقديم كافة التسهيلات بطلاب اولي ثانوي لتجريب  الامتحان الالكتروني بالتابلت ..لم يعد هناك امر  يدعو للقلق .. وعلينا ان نترك ابناءنا يعيشون التجربة بهدوء وبلا انفعال ..واوعي حد مننا  يخرج يقول ان اداء الطالب الامتحان في اي توقيت واي مكان يفقد الامتحان اهميته ..

اه لازم الامتحان يفقد اهميته ..بس اهميته بتفكيركم انتم  مش بتفكير الدكتور طارق شوقي ..

بمعني يفقد  التوتر والقلق المصاحب للعملية الامتحانية ..لكنه يبقي علي اهمية تقييم مستوي الطالب  وتحصيله وفهمه لما يدرسه ..اوعي حد يتفلسف ويقولي طيب مالطالب  ممكن يستعين بمدرس ليحل له الامتحان في البيت ولا السنتر ولا ع القهوة ...

اه ممكن لكن هنا  تبقي مش درجته ..دي درجة اللي حل معاه وساعده ..اقنعوا  ابناءكم ان التجربة مفيدة واغلقوا عليهم باب الحجرة  وسيبوهم يجيبوا  ويجربوا انفسهم طالما  ان مفيش درجات هاتتحسب ..واللي مش عنده نت في البيت يروح لصاحبه  او بيت خالته او القهوة او الكافية ويقعد يحل ..مفيش مشكلة

بس لازم تفهموا  ان الامتحانات بتاعة مايو ويونية مش هايكون فيها الامور دي ..وهايكون ملتزم بدخول اللجنة والذهاب الي المدرسة عشان تتحسب له الدرجات وتبقي العملية جد الجد

ارجوكم يامحترفي الفيس بوك وجروبات القلق والتوتر ارحمونا  وارحموا  الطلاب  ..وسيبونا نعيش  تجربة  نحمد الله ان فيه شخص اسمه الدكتور طارق شوقي مصمم علي ان تنجح  وان يسخر لها  كل عوامل النجاح

تعليقات Facebook