فتحى الشرقاوى يكشف عن المجرم الحقيقى فى أزمة اللاعب عمرو وردة

قال الدكتور فتحي الشرقاوي أستاذ علم النفس جامعة عين شمس عبر صفحته الشخصية على موقع التواصل الاجتماعى " الفيس بوك "

عارفين مين هو المجرم الحقيقي....

في موضوع اللاعب عمرو ورده......

أثار موضوع اللاعب عمرو ورده...

الرأي العام المصري والعربي وكذلك الدولي..

لأن اللاعب محترف ويعد من الدوليين....

ولن إتعرض هنا لا بالسلب ولا بالايجاب...

عن القرار الأول بالاستبعاد من صفوف المنتخب

ولن إتعرض كذلك للقرار الثاني باعادته إلى صفوف المنتخب.

وعدم تعرضي بالتفسير للقرارين..

راجع إلى إلى عدم جدوى التفسير..

لأن ما كنا نخشاه للاعب قد حدث بالفعل..

أعني الفضيحة بجلاجل على رؤس الأشهاد..

وعلى مسمع ومرأي من المجتمع  المحلي والاقليمي والدولي.

وبعد الفضيحة ما انتشرت وحققت أغراضها..

في سؤال محشور في زوري ولازم أطلعه....

أنتم عارفين مين المجرم الحقيقي في اعتقادي..

ورا الموضوع بتاع اللاعب ده...

إنه اتحاد الكرة بدمه وشحمه ولحمه....

إوعى يغركم الشجاعة الواهمه إللي عاملها بقراره الأول العنتري.

ده بيفكرنا بعبد الفتاح القصري  في نورماندي 1‪

هاتقولولي.. طيب ليه الاتحاد هو المجرم الحقيقي..

أقولكم..

لإنه كان عارف  ومتأكد من سنين طويله..

إن الولد ده ديله نجس وسلوكه مش مزبوط...

و كل حواراته  وانحرافاته موثقة في الاتحاد....

وبالتالي من المنطقي نسأل..

طيب لما أنتم  كاتحاد وجهاز فني واداري..

كنتم عارفين كل ده.قبل كده..

إيه بقى إللي خلاكم تسكتوا عليه..

و تستدعوا اللاعب يلعب كل مباريات المنتخب..

سواء مباريات وديه أو تأهيليه أو أساسية...

لما أنتم يا شويه هواه بتديروا  الاتحاد..

عارفين إن الولد العوبان ومنحرف ومافيش فايده منه سلوكيا.

كان يبقى عدم الاستدعاء من الاساس هو الحل..

وساعتها مش هيجي على دماغنا أي أسباب خبيثة..

وكل إللي هنفكر فيه إن استبعاده جاء لعدم جاهزيته الكروية الفنيه..

شأنه شأن استبعاد العشرات من اللاعبين الاخرين

ونكون بكده كافينا على الخبر ماجور..

لكن علشان نجيبه ونستدعيه من البلد إللي بيلعب فيها.

وإحنا عارفين إن ديله نجس.. وبعدين نفضحه ونطرده..

وبعدين نكرمه ونرجعه..

اعتقد كده...

إن ورا الموضوع ده ناس ديلها هى كمان نجس وانجس من النجاسه..

ولازم يكون مع الاتحاد ده وجهازه..

وقفه جادة  بعد انتهاء دورة الأمم على خير بإذن الله