"سمر السيد" طالبة بالثانوية العامة حصلت على 7% وكان من المتوقع لها 98 فيما فوق
الثلاثاء 23/يوليو/2019 - 01:31 م
تداول نشطاء التواصل الاجتماعى "فيس بوك" الشهادة الخاصة بالطالبة سمر السيد علي عبدربه ... مدرسة السنبلاوين الثانوية بنات ...
والتى يشهد لها الجميع بالتفوق العلمي وحسن الأخلاق والتربية ...
معلقين:دي نتيجة واحدة مستنيين ليها يوم ما تنقص 98% نفاجئ ان ده تكون النتيجة 7% .. 29 درجة من 410 درجة ...
صفر لغة عربية .. صفر تربية دينية ... طب يرضي مين الظلم البين ده ..
أخدنا الاجراء الرسمي وقدمنا تظلمات وبالفعل شفنا كراسات الاجابة امبارح الحد ..
وفي الكنترول هناك اتعاملت معاملة خاصة يعني المفروض تكشف على ورقها في فصل مع عدد من زمايلها وزميلتها المتظلمين وتدون ملاحظتها وتتوكل ع الله ...
لكن اللي حصل خلاف كدا تماما .. اول ما وصلت المدرسة عشان تشوف ورقها خدوها علي مكتب رئيس الكنترول ا/ عبدالقادر ابراهيم عبدالقادر .. وتم الكشف ع الورق داخل مكتبه في حضوره .. وعند الاطلاع على كراسات الاجابة الخاصة بالطالبة وجدت ان الورق يختلف اختلاف كامل عن كراسات الاجابة الخاصة بها وان الخط المدون على هذه الاوراق لا يمس لها بصلة لا من قريب ولا من بعيد ..
( الورق متغير من اول التكت ... تكت البيانات نفسه مكتوب بخط مش خطها ) ...
صفر لغة عربية ورق فاضي وبالفعل كان تكت علي بوكليت اسئلة ومفيش اي محاضر اثبات حالة بكدا ... مش عايزين اكتر من ورقنا ...
لحد امتى هنفضل نسيب امثال الناس دي يبهدلونا ويقتلوا فرحتنا ...
بناء عليه نطالب كل الجهات المختصة بأخذ الاجراءات الازمة تجاه تلك المشكلة
ونتهم رئيس الكنترول بصفته وشخصه والجهاز المعاون له بالتلاعب في اوراق الطالبة / سمر السيد علي عبدربه ... مدرسة الثانوية بنات بالسنبلاوين ...
