خدمات

تعديل قرار جمهورى

الإثنين 12/أغسطس/2019 - 08:36 م
 

تعديل تعريفة المبيت فى لائحة بدل السفر الصادرة بالقرار الجمهورى 41 لسنة 58 ضرورة.

 

6 جنية هى قيمة ليلة المبيت وفقا لما هو محدد بلائحة بدل السفر.هل يعقل هذا الكلام؟ والكلام ده من الخمسينات رغم تعديل اللائحة فى السبعينات والثمانينات من القرن الماضى.

 

الماده 8 من لائحة بدل السفر حددتها رسميا بذلك للمسافات التى تزيد عن ثلاثين كم بالقطارات و خمسة عشر كم بالسيارة.

 

هى ال 6 جنية دى ح تجيب لنا وجبة العشاء ولا ثمن زجاجة مياة معدنية ولا ثمن كانز مياه غازية.

الدولة لازم تعدل ده احتراما ل موظفيها و كفاية تعسف وتجاهل من المالية .وكمان المبيت يكون للمسافات التى تزيد عن 100 كم لان ال 30 كم مش مسافة زى زمان لتقدم المواصلات وحالة الطرق تحسنت كثيرا .

يا ريت حد مسئول يجرب المبيت كدا ويتناول وجبة عشاء ناس فقيرة ويشوف ح يدفع كام.

نتمنى الاستجابة وتغيير لائحة بدل السفر وخاصة اجور ليلة المبيت.

 

استعينوا باصحاب المهنه الحقيقيين فى الماهيات والحسابات لتعرفوا مصائب ومعاناة الموظفين من ليالى المبيت. ليلة المبيت بنصرف عليها اضعاف ال 6 جنيه.

 

هو ليه المسئولين م بيتحركوش ف الحاجات دى بسرعة ولا علشان فلوس مامورياتهم كتير مش بيحسوا بالناس اللى تحت.

 

افهمينا واسمعينا يا دولة. تعديل تعريفة المبيت فى لائحة بدل السفر ضرورة.

 

تعليقات Facebook