مدرسة تجبر طالب على خلع جاكيت مخالف.. وتتسب فى ارتفاع حرارتة لـ40 درجة
الأربعاء 25/ديسمبر/2019 - 11:17 ص
روت احدى اولياء الامور بمدرسة التوفيقيه للغات بالزيتون بتفاصيل اجبار مدرسة لابنها بخلع الجاكيت الخاص بية لانة مخالف لجاكيت المدرسة وقالت ولية الامور التالى:
لما جاكيت ابنى يكون مبلول واوديه بجاكيت كحلى نفس جاكيت المدرسه بس من غير اللوجو الميس معدومة الرحمه تقلعه الجاكيت فى اللاين الساعه 7 الصبح لحد ما يمشى ويفضل طول اليوم بقميص المدرسه فقط فى الجو ده ويجى منهار من العياط من البرد وتانى يوم تعب فى المدرسة وبلغونى ان الولد سخن و حرارته 40ولما نطلب نقابل مدير المدرسة يقول احنا كده واللى مش عاجبه يمشى ولما قولتله عالاقل كنتو تبلغونى اجى اخد الولد بدل ما يبرد يقولى وانتى مش عارفه ابنك نازل ب ايه ويلا مع السلامه ولما طلبت اسم الميس اللى عملت كده عشان اقدم شكوى يقولى روحى الاداره التعليميه اشتكى ورينا هتعملى ايه ولما مرضتش امشى قال كلمو جوزها دى يجى ياخدها
