"طالع فى ايدى كتاب ..راجع فى حضنى كفن ".. "وابكى يا عين بالدم ..على طفل بات مقبور"

كل يوم الصبح نتتظر "كابوس " قتل حرق حوادث والضحية مين طفل رايح مدرسته شايل كراسته ، او طالب جامعة رايح يحضر محاضرته بيحلم ان يبقي دكتور ولا مهندس وطبيب يخدم بلده ويفرح به اهله .. ام ملكومة واب مات بحسرته

طالع فى ايدى كتاب

راجع فى حضنى كفن

يا اما قتلانى

يا اما اعيش مزلول

يا دوله كلك عفن

طالب شهادة علم

بتردى عليه بالكفن

يا دوله كلك ظلم

يا دوله كاره الحلم

شاده شراع السفينه

ورميانى وسط اليم

يا قاتله وردك عطش

ده الورد كان زينه

شبابك نصه طفش

والنص على المينا

ياالى انت مت افرح

هتسيب القرف والمرار

هتتهنا بالجنه

وتسيبنا وسط النار

منقول عن صفحة سوهاج

وقال الشاعر حسن صفوت

اغضب يادم و وفور

واصرخ يا قلب وثور

وابكى يا عين بالدم

على طفل بات مقبور

من حضن امه خرج

عشان تضمه قبور