فى اول مظاهرة الكترونية، للدكتور طارق شوقى، وزير التربية والتعليم والتعليم الفنى، والتى عبرت عن الحب الكبير الذى حظيا به الوزير، والذى حمل على عاتقه تطوير التعليم فى مصر، رافعا شعار الاستمتاع بالتعليم، افهم ولا تحفظ.. اتعلم من اجل التعلم وليس لحصد الدرجات.
جاء كم التعليقات من متابعة الدكتور الوزير على صفحته الرسمية بموقع التواصل الاجتماعى فيسبوك كمظاهرة حب الكترونية لهذا الرجل الذى تحمل الكثير من اجل الطلاب، وان يصلوا الى نبذ أفة الحفظ واستبدالها بالفهم.
ويستعرض موقع السبورة اهم التعليقات التى جاءت بشأن نظام الامتحانات التجريبية التى تجريها الوزارة لطلاب اولى ثانوى من المنازل، او من اى مكان متصل بالانترنت.
GiGi W. Fanousالنظام رائع وناجح جدا الف شكر للدكتور طارق شوقى على مجهوده العظيم وعلى فكرة بنتى بتمتحن كل يوم مفيش مرة النت قطع شكرا سيادة الوزير
Omomar Khirallahدي ناس ضد النجاح والتقدم لا والله ماشاء الله النظام ده جميل ومجهود رائع وشكرا لحضرتك سيادة الوزير ابني بيمتحن الحمد لله ربنا يوفقك سيادة الوزير وللامام دائمآ يارب
Magdy Lukaيا أستاذ رامي نظام التعليم الجديد قفزة حضارية مستقبلية تعادل مائة عام وهذه شهادتي كموجه اول أمامي شهور قليلة للخروج علي المعاش وشهادتي إحقاقا للحق والف شكر لمعالي الوزير
Zeiad Aslanانا كده كده بمتحن لوحدى و الامتحانات كويسه جدا وبشكر سياده الوزير Tarek Shawki على ابذاله اقصى مجهود لكى يوفر لنا سبل النجاح وبكررها بشكرك جدا ياسياده الوزير انا طالب فى اولى ثانوى
Ahmed Abd El Hameedالتجربه ما نجحتش وبصراحه دفعة اولى وتانيه ثانوى وخاصة تانيه هيرحوا تالته وبعد كده الجامعه وكانهم ما دخلوش ثانوى وده كلام الطلبه والله العظيم بتاع تانيه ما يعرفوش اى شى من اولى لانهم والله حقيقى اتجرب فيهم كل حاجه ....منكم لله
Mahmoud Naimهو طبعا انا ضد كلام مدرس والتحريض دا اسلوب غير لائق ولكن الامتحان محلول قبل ما يدخلوا حضرتك غير الطلاب اللي حبوا يجربوا نفسهم ومرضيوش يغشوا الصح ان كان الامتحان يكون كله في معاد واحد بقدر المستطاع عشان تقدر تقول ان فعلا هما اتعلموا
Mina لازم يكون في تجارب.. ولتزم يكون فيه فشل... لكن في الاخر يكون فيه نجاح بس المهم انك تطلع متعلم ازاي تبني عقلك وذاتك وشخصيتك.. بنفسك... وهو ده التعليم الجديد
GiGi W. Fanous عشان متحدد وقت معين لكل محافظة بعد كدا كلو هيخش فى نفس الوقت وهوب دابل كيك السيستم وقع واللى دخل واللى مدخلش سقط وملوش دعوة ودلوقتى فى شكوة ودا تجريبى فى الرسمى بقى لو مدخلش هتعمل ايه وانتا فى البيت
Ãhméd Èräkyحضرتك العيال بتعيط التابلت كان بيطلع من الامتحان هو طارق شوقي ده عايش في عالم تاني محدش شكر في موضوع التابلت ده ولا حد قال حلو ولا نيله الناااس كلها بتشتكي منه ويقولك النظام الجديد ناجح ناجح من نظره هو لكن النااااس عماله تشتكي من النظام الجديد بس مين يسمع حسبي الله ونعم الوكيل 😔
