الخميس 28 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
مقالات

عاجل| سيبوا التعليم في حاله

الخميس 23/أبريل/2020 - 04:32 م

اتمنى أن تنتهى الحملة الإعلامية التى يعانى منها التعليم .د/طارق شوقى وزير تعليم متميز فكريا دا رأيى الشخصى نتفق معه وتختلف معه فى نقاط لكنه في النهاية هو صاحب القرار والمفوض من الدولة مسؤولا عن التعليم.


يبقى احنا لازم نسكت.لأن هناك جهات كثير تتابع أعمال وزراء الحكومه ومش منتظره أن حضرتك تتكلم.وزير التعليم هو الشخص المناسب فى المكان المناسب لكن هناك من لا يساعد. الوزير متميز لكن هناك معوقات ويجب ان تساعده الدوله ولا تتركه بمفرده :-

* وزير عنده ربع الدوله ك طلاب ومعلمين وباقى الشعب منتظرهم ف البيوت. حضرتك ح تلبى رغبة مين فيهم. صعب يا ناس.

 

دا بيفكرنى بالكورة.كل مشجع عامل تشكيل لوحده. طب م تسيب المدير الفنى ف حاله.

 

* وزير عنده مدرسين لهم ملفات دروس (اغلقوها مؤقتا ) و مدرسين لهم ملفات أمن دولة تتعلق باعتقالهم سابقا بالإضافة للملتحين. حضرتك مش كل المعلمين ملائكة.

 

* أباطرة السناتر متوقع منهم ايه غير حرب شرسة على قرارات التعليم التى لا تناسب أهدافهم. 

 

* مواقع التواصل محتاجه وقفه. ل إنهاء الحرب على التعليم.


مثلا: الناس اللى ب تطالب ب تأجيل امتحانات الدبلومات الفنية او الثانوية العامه خوفا على أبناءهم ح اقول ليهم كفاية دلع ع الدولة. الدولة هى صاحبة القرار مع الوزير. وأن كنت خايف على ابنك من لجنة الامتحان ف يا ريت الآباء ترد علينا:-


* ليه حضرتك رحت انت وهم ف زحام الأسواق علشان تشترى تجهيزات شهر رمضان.


* ليه حضرتك بتمشى فى ازدحام الشوارع.


* ليه حضرتك بتخلى ابنك يروح بيوت زمايله علشان ياخدوا الدروس الخصوصية.و م خفتش عليه.
* ليه حضرتك وقفت ف زحمة السناتر علشان تشترى بحث ل ابنك. و مخفتش على نفسك وعليه.


* ليه بتدفع فواتير المحمول او تقف ف البنوك او البريد او مواصلات وأنت وسط الناس. ومش خايف على نفسك و أسرتك.

 

خوفك بس من لجنة الامتحانات اللى هى مجهزه طبيا و أمنيا. سيبوا التعليم و قيادات الوزارة ل أعمالهم ولا تشغلوا وقتهم بالرد عليكم.

 

* الدولة يجب ان تساعد الوزير فى إنهاء مشاكل وزارته المادية والتشريعية من حيث :-

1- حل المشاكل التشريعية بقانون التعليم.

 

2- وضع تنظيم جديد ل أجور المعلمين.

 

3- علاج أزمات الفصول الدراسية و عجز المعلمين. 

 

4- تنظيم وترتيب دواوين الإدارات و المديريات.

 

5- تطهير المناصب القيادية بدواوين الإدارات والمديريات وخاصة مناصب القيادة الإشرافية.

 

6- تعديل بعض القرارات الوزارية التى لا تتماشى مع القوانين الحالية.

 

7- دعم بعض البنود المالية بصفة عاجلة فى الموازنة الحالية مثل بند مكافأة الامتحانات التى هى جزء من المرتب الشهرى طبقا ل قرار الحد الأدنى من الأجور.
واتمنى صرف مكافأة الامتحانات كاملة لجميع موظفى التربية قبل عيد الفطر. على ان يتم تقسيمها على المرتب الشهرى فى أول يوليو المقبل بدلا من صرفها بصفة مجمعه.

 

8- اتمنى من الدولة أن يكون الحد الأدنى ل بدل المعلم هو 300 ج وبدل الاعتماد حده الأدنى يكون 600 ج اعتبارا من اول مايو او على الأكثر من اول يوليو. نتمنى الاستجابة و يا ريت سيادة وزير المالية يفكها علينا.

 

وزير التعليم يجب ان يتم تقدير جهده من الدولة و دعمه. ويجب أن يتم دعم وزارة التعليم ماديا من احتياطيات الموازنة.وكمان من وفورات الموازنة. 


لأن عدم توفير الدعم الكامل من المالية يسبب وزير التعليم حوله ظروف أقوى من العالم كله.


ف بلاش اختراعات والكلام ده برضوا اقوله لنفسى.