حسين ابراهيم : تحصيل 65 جنيه للترقية باطل ومخالف لقانون الكادر " مستند "

الخميس 21/مايو/2020 - 12:19 ص
حسين ابراهيم
حسين ابراهيم
كتبت / جهاد عبدالسلام
 

قال حسين ابراهيم معلم أول بوزارة التربية والتعليم  والامين العام لنقابة المعلمين المستقلة ، ان  مبلغ الـ ٦٥ جنيه للترقية مخالف لقانون الكادر في المادة ٧٢

، وان موازنة الأكاديمية بالمليارات  حاليا وتم تخصيص جزء للتدريب والترقيات وهى الأكاديمية اصلا ليها شغل غير التدريب والترقيات ؟؟؟

سأل "حسين" عبر صفحته الشخصية على موقع التواصل الاجتماعى " الفيس بوك " اين تذهب مليارات الأكاديمية المخصص منها جزء للتدريب؟ انا شخصياً لو مستهدف من التدريب السنة دي اقسم بالله العظيم ماهدفع ولا جنيه وهاخد ترقيتي بالقانون ولو حتى بعد عشرين سنة .. ده إذا كانت الترقية اصلا ليها لازمة بلاش تساعدو حد أنه يستغل جهلكم بالقوانين ، وان تعديلات قانون الكادر صدرت بالقانون رقم ١٦ لسنة ٢٠١٩موجودة على النت وعلى موقع الجريدة الرسمية اقرؤها والصور دي فيها تفاصيل التعديلات علشان تتاكدوا من كلامي . وركزو كويس في الفقرة الثالثة من المادة ٧٢ لو حد لقى فيها كلمة اختبارات أو دفع مبالغ مالية مقابل تدريبات ياريت يبقى يقولي .

واوضح خلال بوست اخر ، مسؤول بالوزارة بيقولك المعلمين مالهمش كلام ، غير عن الرواتب .. تعالى حضرتك خد مرتباتنا واصرف منها على بيوتنا وعيالنا ساعتها هانكلمك عن روعة الحياه في المالديف

اللهم فاشهد .. اللهم فاشهد .. اللهم فاشهد

اللهم ارفع عن مصر الوباء والبلاء واحفظها من كل شر

اللهم ارزق معلمي مصر بمسؤولين يراعونك فيهم ويخشونك ويخافون عاقبة ظلمهم لهم يارب

تعليقات Facebook