ده الجيش الوحيد الموجود في مصر

وإليكم نص التدوينة:-

ده الجيش الوحيد الموجود في مصر الوحيد إللي يتقال له روح هناك أقف بسلاحك إحمي بلدك مبيقولش لا عايز أروح مكان تاني.

ده الوحيد إللي يتقال له نفذ يقول علم وينفذ.

ده الوحيد إللي مبيطلعش كل يوم علي السوشيال ميديا يقل أدبه ويشتم الشعب ويقول أنا أحسن منكم يا شعب تيت تيت.

ده الوحيد إللي بيقول يا إحمي مكاني يا أموت مكاني مش بيقول عند أول فرصة ههرب واروح لبلد تقدرني يا بلد وشعب تيت تيت.

ده الوحيد إللي يتقال له دي الإمكانيات المتاحة أتصرف بناء عليها يقول علم وينفذ مش بيطلع علي السوشيال ميديا يقول لا ومينفعش وينفع.

ده الوحيد إللي عمره ما قال يا بتوع ال 50٪ وأنا أحسن منكم رغم إن معظمهم فوق ال 80 و 90٪ كمان.

ده المهنة الوحيدة إللي فقد 3 آلاف شهيد عمره ما أتكلم ولا قال مش هقوم بعملي وأنا بضحي عشانكم يا شعب كذا وكذا.

ده إللي بيموت عشان بعض إللي ميستحقوش الحياة يعيشوا ينتقدوا فيه ويهاجموه وينظروا عليه ويقولوا له يعمل إيه وميعملش إيه وهم آخرهم لعبة بابجي.

ده الوحيد إللي عمره ما عايرنا كشعب بإنه بيقوم بواجبه وعمله.