إلى سيادة الرئيس.. فينهم علشان يتحاسبوا
الثلاثاء 08/سبتمبر/2020 - 10:16 ص
منذ قيام ثورة يونيو وحتى الآن مرت مصر بالعديد من الأزمات بعضها كان مدبرا وبعضها كان بسبب المشاكل التى تراكمت عبر سنوات مضت . اتباع الخرفان وكتاءبهم الالكترونية وكذلك عبده مشتاق اتباع الأنظمة السابقة لم يتركوا الدولة المصرية فى حالها ما بين محاولة إثارة وازعاج الشعب وما بين محاولة التشكيك فى الإنجازات.. لا والله. دول لازم يتحاسبوا زى م تعبونا واهانونا وشككوا فى قدراتنا.. طب يتحاسبوا على ايه..
1- لما سحبوا استثماراتهم و دولاراتهم وقالو مصر ح تفشل اقتصاديا . لأه دى نجحت وانتو بتتسابقوا على شراء السندات المصرية بالسوق الدولية. الناس دى اختفت فين؟
2- لما قالو مصر ح تعطش ومفيش اى نقطة مياه ح توصل ليها . وبقدرة الرحمن النيل ثار عليهم وبيقولو الحقونا. الناس دى راحت فين؟
3- لما شككوا فى إنشاء العاصمة الإدارية وقالو مش ح يلاقى تمويل . اهم بيتنافسوا على الشراء فيها والسكن فيها والعمل فيها. هم اختفوا فين السادة المشككين؟
4- لما عملو علينا حصار سياسى واستبعدونا من الاتحاد الأفريقى وفجأة رجعنا وتراسنا القارة الإفريقية. الناس دى راحت فين؟
5- لما قالو الشعب مش ح يستحمل اى إصلاحات اقتصادية ولكن الشعب خذل توقعاتهم واتحمل. هم اختفوا ليه وعند مين راحوا؟
6- لما شككوا ف قوة الجيش و درجة تسليحة. وفجأة لقيوا صفقات تسليح من كل مكان . هم راحوا فين واختفوا؟
7- لما عايرونا بفقرنا واهانونا بسبب العشوائيات وفجأة الرئيس قال انا مش ح اسكت واستخدم قدرات الهيئة الهندسية فى القضاء على العشوائيات. الناس دى ساكتة ليه؟
8- لما بعتوا لينا الإرهابيين وفجأة الجيش حولهم لشوية فحم من أجل حماية الأرض والأعراض المصرية . هم بيصرخوا من جيشنا ليه؟
9- لما أرادوا ان يكسروا الإرادة والحدود المصرية ويحاصرونا وفجأة الرئيس حط ليهم أشهر خط أحمر فى التاريخ.مين قدر يعمل مثله ؟
10- لما قالوا مفيش سياحة ح ترجع تانى ولقينا سياحة من كل القارات واسواق جديدة. المشكيين اختفوا ليه؟
11- لما حاربوا الصادرات المصرية وفى ازمه كورونا استغاثوا بالخضراوات والفواكه المصرية.مش كنتوا بتحاربوا. طب بتاكلوها ليه؟
سيادة الرئيس مطلوب حساب كل من شكك فى القوة والقدرة والإرادة المصرية.
لكن نفسى اعرف كمواطن مصرى . أين اختفى المشككون؟
