المطرب احمد جمال يطالب بعدم تأجيل الأمتحانات.. لهذه الأسباب
اشعل المطرب أحمد جمال، السوشيال ميديا بطلبه عدم تأجيل امتحانات التيرم الأول المقرر عقدها الاسبوع المقبل، واكد لمتابعيه من الطلاب بخوض الامتحانات ومحاولة المذاكرة لتعويض ما فاتهم.
وكتب "جمال" عبر حسابه الرسمي على "فيسبوك" قائلا: عدم تأجيل الامتحانات.. صباح الخير عليكم عايز أقولكم إني في أيام الامتحانات مكنتش ببقى مذاكر المواد كلها وببقى عايز أأجل مادة أو اتنين في كل تيرم، بعذر صحي مثلاً، بس كان عندي صاحبي دفعتي طول الوقت بيقولي عمرك ما هتذاكر مادة كاملة لو أجلت ميت سنة ادخل امتحن في ميعادك وأكيد كلنا في نفس الظروف وكنت ببقى واخد قرار التأجيل وأغير رأيي في آخر وقت بسبب كلامه وأدخل وأمتحن وفي النهاية نجحت واتخرجت واكتشفت إنه كان على حق.
اضاف المطرب أحمد جمال لمتابعيه، «انت كمان متقولش أنا ضعت.. شد على نفسك وذاكر حتى لو باقي ساعة ع الامتحان وصدقني هتنجح وتعدي وهتضحك ع الأيام دي لما تتخرج شجعتك مش كده! يلا دوس جامد بقى يا بطل».
