بالفيديو.. الكلاب المفترسة تعتدي علي طفلة مدينة المستقبل.. والأهالي يستغيثون: حياتنا في خطر اغيثونا
الإثنين 17/مايو/2021 - 09:15 م
نشرت نور جاد والتي تسكن في مدينة المستقبل استغاثها علي صفحتها علي موقع التواصل الاجتماعي فيس بوك بشأن أزمة الكلاب المفترسة والتي استعرضت فيها حوادث تعرض لها سكان المدينة وخاصة تعرض طفلة 7 سنوات للموت بعد اعتداء أحد الكلاب عليها.
وإليكم نص التدوينة:
احنا سكان مدينه المستقبل ، عندنا مشكله مرعبه وهي الكلاب المفترسه ، الكلاب عندنا بريه مهجنه بحكم أننا في بيئه صحراويه وبتتعامل مع حيوانات مفترسه كل ده معنديش فيه مشكله نهائي ، احنا عايزين حل الكلاب بتاكل الاطفال ب المعني الحرفي للكلمة ،
بنت لا تتعدي ال ٧ سنين واقفه قدام عمارتها معملتش اي حاجه جه كلب وهجم عليها وعضها من رقبتها وشدها بعيد وحاول ياكلها !!
ده اسمه ايه. ! .
وارد اي حد يكون مكان الطفله ديه احنا المفروض مش في غابه احنا حقنا نعيش عيشه محترمه والأطفال تعيش براحتها وتلعب في المكان اللي تحبه ده احنا كومباوند مقفول حتي مش قاعدين في الشارع !!.
البنت في المستشفي مع اهلها ومحدش يعرف لسه عنها اي حاجه ياريت اي حد يتدخل ينهي المهزله اللي بتحصل ديه لأن ديه مش اول ولا عاشر مره تتكر الموضوع شبه يومي بيحصل من الكلاب ده غير أن الكلاب بتهجم ع العربيات نفسها ولو ملقيتش حاجه تاكلها ب المعني الحرفي بياكلو بعض قدامنا .
فيه اطفال فيه ناس كبيره فيه ستات حوامل في ناس طبيعيه من حقها تعيش عيشه محترمه ليه نعيش في وسط العنف ده ! احنا عايزين حل نقضي بيه ع الكلاب ديه ايا كان ايه هو.
