تعرف علي الملك مونتو- حتب"الثانى" أحد الآباء المؤسسين للحضارة المصرية
السبت 29/مايو/2021 - 04:35 م
نشرت صفحة تاريخ مصر القديم علي موقع "فيسبوك" تقريرا عن الملك مونتو-حتب"الثانى" أحد الآباء المؤسسين" للحضارة المصرية
الملك ده إسمه"مونتو-حتب"الثانى , الراجل ده اعتبره المصريين القدماء من "الآباء المؤسسين" للحضارة المصرية , ليه بقى ؟
لانها اعاد توحيد البلاد مرة أخرى بعد فترة فوضى طويلة جدا وتفسخ وثورات بعد عصر بناة الأهرام .. مصر حرفياا وقتها كانت متقسمة بين عصور كتير وملوك كتير ..
ومش كده وبس الجميل إنخ ده اعاد المركزية للبلاد وخلى المناصب المحلية تابعة للحكومة المركزية .. يعنى محدش ساعتها كان يقدر يقول انا رئيس جمهورية نفسى زى ما كان بيحصل قبله.
ملك صعيدى من الأقصر حكم مصر 51 سنة قعد فيهم 39 سنة يحكم محليا لحد ما اعاد توحيد القطرين .. يعنى الموضوع ما كنش بالساهل خالص ..
فى الدير البحرى عثر على مقبرة اسمها "مقبرة المحاربين" ودى الى اتدفن فيها الشهداء من ابطال حرب التحرير بقيادة "منتوحتب"
له معبد جنب معبد حتشبسوت بس مهدم تماما وهو الى استقى منه "سننموت"مهندس "حتشبسوت" تصميم معبد الدير البحرى الى بناه جنبه ..
لو اتكلمنا عن منتوحتب ممكن نكتب عنه كتب كاملة , بس السؤال الاهم كام مصرى يعرف عنه 5 معلومات على الأقل ؟
التمثال ده فى المتحف المصرى انا شوفت بعينى ناس للأسف "مصريين" تتريق عليه وعلى ملامحه , يا ترى ايه السبب ؟
إحنا فى زمن تداول المعلومات مبقاش فى أسهل منه والمعرفة بقت حرفيا متاحة فى كل مكان وده تاريخنا واصلنا وجدودنا إحنا أولى ناس بيهم.
وعلى الرغم من كده تاريخنا مكتوب علينا إن أخرنا نغنيله توت توت، حتشبسوت قفلوا عليكى يا حلوة تابوت، ده لو حد فاكر الاغنية اصلا .
