الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
مقالات

هل ترعى الدولة فساد المحظورة؟

الإثنين 28/يونيو/2021 - 06:54 م

الشعب فى مصر تحمل الإصلاح الاقتصادى وفواتيره الغالية والشعب دعم الدولة فى قراراتها رغم قسوة بعض القرارات. لكن الناس صبرت رغم شدة المعاناة. لكن الدولة لم تسأل نفسها: ازاى اوفر الراحه النفسية للناس بعيدا عن الدعم الاجتماعى ماديا؟  نص الحب راحة نفسية والنص التانى مادية..


الشعب محتاجك تعالج المشكلات وتنجح لأن نجاحك فائدة له وليس ضرر لذلك مفيش حد يفكر يعطلك غير عدوك الداخلى . لكن يجب أيضا الا تتأخر الدولة فى طلباته الواجب تنفيذها.  الأجهزة التنفيذية للدوله تتذكر دائما ( كله ح يتحاسب والقانون - احنا م عندناش وقت - انا ح افضل ابنى واعمر لغاية م تنتهى ..... أو ولايتى - التستر على الفساد هو فساد - يا مصريين لازم تكونوا ايد واحدة)..


قبل اى شىء انا عايز انقل للدولة أن الناس أصبح قلوبها وعقولها متعلقة بالقرارات الأمنية والرقابية لمحاربة الفساد . لأن مفيش جهة تنفيذية خدمية لها قرار ثابت مستمر بسبب الضغوط  لكن القرار الأمنى والرقابى مفيش حد يقدر يجادل فيه لانه ينتج بعد صبر طويل ومعلومات دقيقة..


مثلا : وزارات التعليم والصحة والتموين والكهرباء والنقل  وغيرهم من الوزارات الخدمية مليئة بالكثير من العناصر الإخوانية وعناصر الجماعات وعناصر سبق اعتقالها.. ماذا فعلت الأجهزة التنفيذية لإبطال مفعولهم . طبعا ولا حاجة وعايشين بياكلوا ويشربوا ويقبضوا من الدولة وفى النهاية بيشتموا عليها، اين محاربة ذلك من الدولة. ما هى الاجراءات المتخذة؟ طبعا ولا حاجة. الناس بتسأل : لغاية امتى الدولة ح تصبر عليهم وليه الأمن والرقابة مش متدخلين و يبعدوهم عن شغل الوظائف الهامه؟ طب مش دول اللى احنا عملنا الثورة علشان نتخلص منهم ومن عصاباتهم وتياراتهم.. طب ليه مستمرين رغم أنهم مشبوهين؟..


كلام متناقض بين صبر الدولة عليهم واحتضانهم داخل مؤسساتها الخدمية وتحميل الدولة لهم كل ما يحدث من مساوىء.. ازاى احتضن عدوى واديه مرتب كمان؟ ازاى؟ بلاش دى وننقل على نقاط أخرى..

 
- انزلوا فجأة على اى بقال تموينى واعملوا وزن ل اكياس السكر و الأرز المدعوم . هل هى فعلا وزن ١٠٠٠جرام أم أن ميزان الحكومة له معايير اخرى؟

- انزلوا فجأة بحملات على الهايبرات الخاصة وشوفوا السلع المدعومة حكوميا وصلت ليهم ازاى ؟

- اعملوا زيارات مفاجئة للعيادات الخارجية للمستشفيات واستمعوا للناس ع الواقع . ويا ريت تؤمر الدولة بإغلاق عيادات الأطباء الخاصة وعدم تشغيلها قبل الثالثه عصرا يوميا.

- شوفوا محصلين الكهرباء والمياه  وصراخ الناس منهم بسبب  تراكم قراءة العدادات لمزيد من الأرباح للشركات.
- شوفوا موظفى تذاكر السكة الحديد الذين لم يتعظوا رغم جولات وزير الخارجية نقل بنفسه و تعامله المباشر مع الجمهور.

- طب اقولك حاجة مفاجأة. احنا خلال ٣ سنوات ح تكون فى قبضة الاداريين اللى اتعينوا فى ٢٠١٢ و ٢٠١٣ لأن أغلب الاداريين الحاليين القدامى و الماهرين ح يكونوا خرجوا معاش بنهاية ٢٠٢٤ . هل استعدت الدولة لذلك . اسف . مفيش جديد نهائيا فى مجال الجهاز الإدارى والميكنة غير مضمونه.

- الفساد الجديد اللى تناقشوا فيه الناس هى الرشوة الجديدة المقنعه " السيستم واقع " علشان موظف اخوانجى عايز يعطل الناس ويستفزهم على الدولة  أو موظف متكاسل مش قادر يشتغل أو موظف عايز رشوة. وتلاقيها فى أجهزة خدمية كتير . 

- فى التعليم م ينفعش اهاجم بيتى واهلى وناسى لكن أنا متضايق من شىء واتمنى من كبير بيت التعليم الإنسان الراقى جدا فى التعامل والصبور لأقصى درجة ممكنة الدكتور طارق شوقى أن يطهر إدارات المتابعة وتقويم الأداء بالمديريات من المعتقلين السابقين ومن يتبعهم و أن يأمر فوريا باستبعاد المعتقلين السابقين من كافة الأقسام بالادارات والمديريات (لأن الناس دى حتى لو حصلوا على عفو أو تصالح مع الدولة فهم ليسوا قدوة المعلمين أو أهل ثقه يؤتمنوا على أسرار العمل الذى هو سر دولة وربما يكونوا خلايا لإثارة الفتنة تعليميا)..


يا ريت اى قيادة تقرأ المقال ده تهتم بيه لأنه رغم قسوته فى الأسلوب لا يحمل سوى النية الحسنة والتبصير ببواطن الأمور.