عاجل| استغاثة ضحية جديدة من ضحايا الثانوية العامة
السبت 04/سبتمبر/2021 - 09:11 م
استغاثة ضحية جديدة من ضحايا الثانوية العامة، بعد ظهور النتيجة وكانت حاصلة على مجموع ٨٥٪ فوجئت عند ذهابها للمدرسة أن مجموعها ٥٢٪ وراسبة فى مادة الألمانى ومطلوب منها دخول امتحان الدور الثانى.
أكدت الطالبة نرمين أحمد محمد شعبان من مدرسة الشهيد امتياز محمد كامل، قائلة: "ازاى نتيجتى تطلع مرتين بنفس الاسم ورقم الجلوس واسم المدرسة، وتكون مرة ناجحة ومرة أخرى راسبة، لما شوفت نتيجتى يوم ما ظهرت كنت ناجحة وجايبة 85، والألمانى حاصلة فيه على 37، وبعد ماروحت المدرسة لقيت نفسي دور تاني ومعايا ألماني وجيبه فيه 15 درجة".
وأضافت: "روحت عملت شكوي وتظلم، ولحد دلوقتى ماظهرتش نتيجة التظلم، والمفروض انى ادخل امتحان دور ثان لمادة الألمانى، والـ٥٢٪ دى مش درجاتى، أنا نفسيتى مدمرة، لأن ده مش مجهودى ولا مستوايا، وحتى الألمانى اللى جايبه فيه ملحق دايما كنت بجيب درجات كويسة فيه، والمدرس بتاعى طلعنى رحلة هدية عشان أنا شاطرة، ازاى يعنى اوصل انى اجيب فيه ملحق؟".
تتقدم الطالبة نرمين باستغاثة إلى وزير التربية والتعليم، بفتح لجنة للتحقيق فى هذه الواقعة، والنظر في هذا الأمر بعين الأب، قائلة: "مش عاوزه غير حقى يا سيادة الوزير وأرجو إعادة التصحيح، لأن هذه ليست درجاتي وهذا ليس مستوايا، وقدمت تظلم ونتيجته ستُعلن بعد تاريخ إمتحان الدور الثاني، وسأضطر إلي إعادة الامتحان".
