الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
تغريدة وبوست

هام.. فصل طالبة من مدرسة طيبة الخاصة بعد تعرضها لوصلة ردح من معلمة اللغة الإنجليزية.. ومدير المدرسة يهدد ولية أمر الطالبة

الخميس 21/أكتوبر/2021 - 02:20 م
أرشيفية
أرشيفية

نشرت نيرة الطويل ولية أمر طالبة في مدرسة طيبة الخاصة، تدوينة علي صفحتها علي موقع التواصل الاجتماعي "فيسبوك"، بشأن تعرض ابنتها مدرسة طيبة الخاصة للفصل بعد وصلة ردح من معلمة اللغة الإنجليزية .

وإليكم نص التدوينة:

الدكتور سعد رمضان راهن مستقبل بنتي وانها تمارس دراستها قصاد اني انزل اعتذار واشيد بالمدرسه وااقول فيها كلام كويس احب ااقولك يادكتور سعد زي ما قولتلي انك ليك ناسك فى الاداره انا بقا ليا ربنا وواثقه فى القانون النزيه وحقيقي انا اللي اخاف بنتي تكمل فى مدرستكم وبالذات بعد رد حضرتك مباشرتا بالاسلوب اللي الناس كلها شافته .
والناس برده اللي ثبت انهم من مدرستك واصدقاء المدرسه بالتلفظ لي ولابنتي بأبشع الالفاظ ودا فور تعليق حضرتك .

وانا هنزل رد الدكتور الفاضل تحت فى التعليقات وهتشوفو بنفسكو رد الناس طرفه وهيبان اوى من التحامل الغير منطقي اللي هتشفوه.

بلاغ للاداره التعليميه وكل ما يهمه الامر 
ازاي وانهي، وجه حق يدي الحق لمدرسه فى مدرسه طيبه الخاصه خريجه حقوق ومتعينه مدرسه انجليزي  خريجه حقوق ومتعينه مدرسه انجليزي تقف فى الفصل وتقول للطلبه حمرا وانا مليش كبير غير الفاظ كتير مش هينفع اذكرها هنا بس هذكرها فى محضر رسمي وتكلم بنتي بأسوأ اسلوب ولما البنت البنت تقولها مينفعش تكلميني كدا انا معملتش حاجه تقف فى وسط الطلبه وتقول انها متربتش وتقول للمدير الدكتور سعد رمضان يا انا يا البنت فى المدرسه والدكتور يرفض شهاده الطلبه اللي هي فى صف بنتي ويقرر ارضاء لعيون الاستاذه  فصل بنتي اسبوع بدون وجه حق .

ولا اسباب مقنعه غير شهاده مدرسه كل سلوكها غير مهذب مع الطلبه اطالب بالتحقيق فى الموضوع وبطلب شهود وشير لكل  اب وام عندهم ابن متفوق ممكن يتعرض للتنمر وللاهانه بدون وجه حق.