لو اصبحت وزيرا للتربية والتعليم هذا برنامجي للطلاب والمعلمين
قال حسام محمد عوض عبر صفحته الشخصية علي موقع التواصل الاجتماعي " الفيس بوك " هذا هو برنامجي لو اصبحت وزيرا التربية والتعليم
بالنسبة للطالب و جدول الحصص
1- اليوم الدراسي يبدأ الساعة 9 صباحا و
ينتهي بأقصي حد الساعة 3 ظهرا
اولا ً حلينا مشكلة الازدحام المروري و
حوادث اتوبيس المدرسة و مشكلة الاكبر ان الاطفال يصحوا بدري و يروحوا المدرسة و هما
اصلا ً نيمين
2- مدة الحصة ساعة كاملة و الفسحة نص ساعة
و اليوم به 5 حصص فقط ( من ضمنهم لازم تكون في حصة نشاط العاب او رسم او موسيقي أو
مكتبة أو كمبيوتر أو نشاط اجتماعي .... إلخ )
اليوم يبدأ الساعة 9 طابور الصباح ( مدة
الطابور ) نص ساعة
الحصة الاولي تبدأ 9.30 إلي 10.30
الحصة الثانية تبدأ من 10.30 إلي 11.30
الحصة الثالثة تبدأ من 11.30 إلي 12.30
الفسحة ( 12.30 إلي 1 )
الحصة الرابعة تبداً 1 إلي 2
الحصة الخامسة تبدا 2 إلي 3
بالنسبة للمعلم :
1- المعلم من حقه ان يحضر علي الحصة بتاعتة
بس ( زي دكتور الجامعة ) و في حالة عدم حضورة للحصة - يتم استغلال الحصة في نشاط اضافي
للطالب ( اجتماعي أو ثقافي او مكتبي أو تكنولوجي )
2- تقييم إداء المعلم و ربط الحافر ( الاثابة
) من خلال تقييم مستوى الطلاب بمعني أجمالي عدد الطلاب اللي بيدرسلهم المعلم مقسوم
علي عدد الطلاب الناجحين في المادة بتاعة المعلم ( دة يكون نسبة تقدير المعلم مربوط
بالراتب و الحوافز السنوية ) كدة المعلم هيكون همه الأكبر أن الطلاب كلها تنجح و ممكن
يشتغل بزمة
3- راتب المعلم يكون الحد الادني (
4000 جنية ) و الحد الأقصي ( 8000 جنية )
4- الأداريين مثلهم مثل المعلم في الراتب
( كلهم بيخدموا العملية التعليمية )
5- تفعيل دور أكاديمية المعلم بجد يعني
يبقي في دورات تدريبية وتأهيلية للمعلم طوال السنة لرفع مستوي إدائه و ليكون معلم باحدث
اساليب التعليم
بالنسبة للمناهج :
1- انا مش متخصص في المناهج أوي بس ان شايف
ان المنهج اللي انا كنت بدرسة من سنة 1985 و انا طالب هو هو المنهج اللي انا بدرسة
حاليا و انا مدرس عام 2016 . لازم يبقي في منهج يستوعب عقل الطالب ( ايوة المنهج هو
اللي يستوعب عقل الطالب مش عقل الطالب اللي يستوعبه ) هتقولي ازاي دة شغلة طويلة بس
ان شاء الله ليها حل هقلكم عليه
( امتحان مبدئ قبل بداية العام الدراسي
للطالب ( لمعرفة قدراته ) و من خلال الامتحان يبدأ تصنيف الطلاب مستويات ( بداية و
و سط و نهاية ) و يكون في برنامج تعليمي معد لكل مستوي ( محدش يقولي يعني مستوي ضعيف
و متوسط و ممتاز ) لان اصلا ً مفيش في التعليم حاجة اسمها طالب ضعيف ( في حاجة اسمها
طالب امكانياته محدودة و جي يتعلم علشان يحسن من امكانياته و يطور منها ) .
- و يتم تقسيم مراحل الدراسة في السنة
( 3 تيرم ) للطالب البداية
- و طالب الوسط يكون سنة بتاعتة ( 3 تيرم
بردة ) ازاي في ( الترم اللي في النص ) بيكون تحسين مهارات خاصة ( تكولوجيا المعلمومات
و غيرها من الانشطة )
- طالب النهاية هيبقي مظلوم لئة هنعمل ليه
حاجة افضل انه يكون ضمن برنامج ( المخترعين ) او علماء المستقبل يدرب عليه في الفترة
إلي هيكون فيها منتظر الطالب البداية والوسط .
بحيث ان في نهاية العام طالب البداية يكون
مع طالب النهاية في نفس المستوي التعليمي ليس المهارات الخاصة .
- في اخر السنة بيكون تقييم الطلاب من خلال
نشاط يعملة في كل مادة ( مشروع تخرج للسنة ) و يتم تقسيم الطلاب لمجموعات تشمل علي
طلاب البداية و الوسط و النهاية ( كلهم يشتركوا في اعداد مشروع ) و يكون مدرسهم مشرف
عليهم او يوجهم و يبقي في لجنة تعد من قبل المدرسة أو الإدارة التعليمية لتقييم المشروع
و مدي اعدادهم له ( مش لازم المشروع يكون مفيد أو مجدي ) يكفي لنجاح الطلاب المجموعة
انهم يكون عملوا المشروع بكفاءة عالية حتى لو كان المشروع اللي مقدمينه ملوش فايدة
في الوقت الحاضر ( لكن هما شيفينه مفيد ) .
هتقلي دة برنامج عاوز فلوس و عاوز وقت
( هقلك اننا بنصرف علي التعليم فلوس كتيرة من غير فائدة ) طباعة كتب و انشطة مهملة
و مصاريف إدارية و مكافأة وهمية للسادة القائمين علي إدارة المنظومة التعليمية
كل حاجة ممكنه بس لو عاوزين نتقدم و نبقي
بلد كويس .
علي فكرة دي رؤيتى في منظومة التعليم ممكن
يكون فيها تعديل أو عيوب أو نقاط ضعف ممكن تتعالج أو تتعدل مش مشكلة المهم يكون في
رؤية لمستقبل التعليم في مصر
يا رب حد يسمع او حد يفهم
