تعليم "السوارس".. لا يلد ولا يبيض
باختصار شديد يا سادة نحن ملوك الترقيع في التعليم والفرق بيننا وبين الدول المتقدمة في التعليم ، ان قيادات التعليم عندنا عامله زي "السوارس " ، واللي مش فاهم معناها يدوروح يفهم مغزاها، ولا اقولكم علشان محدش يتعب ويدعي علي ، "السوارس" اسم كان يطلق على العربات التى تجرها البغال أو الخيول زمان ، وفاكرين الست امينه المغلوبه علي امرها لما قالت لجوزها الحمش سي السيد " السوارس صدمتنى يا سى السيد "، وكانت اشهر جملة في تاريخ السينما المصرية ،
كمان يا سيدي مدارسنا عامله زي بير الميه واللي مش فيه ميه ، وخد دي كمان مناهجنا زي واحد صاحبي عنده 80 سنة ربنا كرمه واتجوز تلاته كل واحده منهم انجبت من واحد تاني بعد ان طلقهم ،
والخلاصة يا جماعة ان التعليم عندنا عامل زي الديك "لا بيولد ولا ببيض "
طيب
تعالوا معايا ناخد رحلة قصيره علشان اثبت لكم ان التعليم في مصر زي التعليم في
الدول المتقدمه بالظبط
استراليا
من الاخر كده هي واحدة من افضل خمس دول ، مستوي
التعليم فيها بيتفوق علي دول كتيير جدا
وبتحتل المركز الثامن ضمن تصنيف مؤسسة universtias u21 لعام 2012.
بتقدم اكتر من 22000 دروة تدريبية عشان تساعد في التعليم و تخليه يتقدم
ايه
بقى الحاجات اللى خلت بريطانيا متقدمة فى التعليم ؟
هى
شوية حاجات صغيرة كده مش كتيير يعنى زى انهم بيشجعوا الطلاب يبقى عندهم هدف و يبقى
عندهم ابداع و استقلالية و بيدرسوا للطلاب مناهج بسيطة جدا قريبه من اعمارهم و كل
حاجة فى المنهج متقسمة مستويات يعنى الطلاب بيبقوا خارجين من ابتدائى عارفين و
دراسين رياضيات و انجليزى وجغرافيا و علوم بس بشكل منظم
علشان يساعدهم علي الاستمرار في التعليم
وبعدوا
عن مناهج الحشو (يعنى الكلام الكتىيير اللى مش
بيفيد الطلاب ) و ركزوا اكتر على الحاجات اللى
بتساعد الطلاب انهم يواجهوا متطلبات سوق العمل و فى حاجة حلوة اوى عندهم اسمها
مفيش تنسيق يعنى كل طالب بيختار المجال او التخصص اللى حابب يكون مبدع و منتج فيه
فى المستقبل .
بالنسبة للتعليم الجامعى
انجلترا
بقى عندها شوية جامعات من افضل جامعات العالم زى جامعة كامبيردج مثلا
الجميل
بقى فى الموضوع ان فى المرحلة دى كل طالب بيختار هو عايز يكون ايه و بيدرس التخصص
بتاعه فقط و كمان بيبقى عملى بجانب النظرى يعنى بيدرس المنهج و يطبق عليه كمان
علشان لما يتخرج يبقى فاهم يعنى ايه شغل و يعنى ايه متطلبات سوق العمل
و ده اللى خلى انجلترا
من احسن دول فى العالم فى مستوى التعليم"
.
"زي عندنا بالظبط "
ياتري ايه اللي خلي التعليم يتقدم في سنغافورة ؟
بالرغم من انها
كانت من الدول الفقيرة واللي فيها امية كبيرة جدا لكنها قدرت في وقت قصير جدا انها
تحقق نجاح كبير جدا خلاها دولة متقدمة
و الان قدرت انها تحتل المرتبة الثانية بعد سويسرا من حيث
القدرة التنافسية الاقتصادية على الصعيد العالمي
كانت بتهتم بالمعلمين بتنمي قدراتهم و مهارتهم و ده عشان
التعليم يبقي بجودة عالية في المدارس وعشان المعلمين يبقوا عندهم قدرة علي اداء
العمل بشكل افضل و يقدروا يوجهوا الطلاب للطريق الصحيح
وطبعا كان في عوامل قدرت بنجاحها انها تطور التعليم , طب ايه هي
العوامل دي ؟
تعالوا
نشوف مع بعض
-1 سنغافورة كانت تطلق مبادرة "تعليم اقل,تعلم اكثر " بمعني انها
كانت بتركز علي طريقة التدريس و تقليل حجم المحتوي عشان تفسح مجال للتفكير
-2 لم يتم الاعلان عن اي سياسة تربوية بدون وجود خطة واضحة
-3 الاستقرار السياسي و الاجماع الشعبي
وكانت بتفكر دايما في الفرد انه يكون شخص واثق يقدر يميز بين
الصح و الغلط ,يقدر يتكيف,نشيط و قادر انه يتشتغل بفاعلية ضمن الفريق و بيقدر بيتكر وكمان
يكون صاحب تفكير مستقل ونقدي و يقدر يتواصل مع غيره بصورة فاعلة
وبكدة
قدرت انها تتقدم ومبيقاش عندها امية وبقت في الـ top
اوووف
ندخل علي كوكب اليابان الشقيق
طبعا
كلنا عارفين ان اليابان اتدمرت بالكامل بعد القنبلة النووية , بس بعد 100 سنة بالضبط
تحولت اليابان من دولة مدمرة لدولة لها اقتصاد
اقوي اقتصاديات العالم
التعليم في اليابان مش مقتصر نهائي على المدارس بس لكن في كمان
انواع تانية زي التعليم الاجتماعي و التعليم المنزلي و تعليم الشركات
مش هنتكلم عن
الاساليب وملامح التعليم اللي هي احسن 1000 مرة من اي دولة عربية و انهم بيصرفوا على البحث العلمي اضعاف ميزانية التعليم بالكامل في مصر ,
بس هنتطرق للاسباب اللي ساهمت في ان اليابان تبقى على تميزها الحالي
في طريقة هناك
بتستخدم اسمها التعليم بالحشو , نفس الطريقة
اللي بيقنعونا انهم بيستخدموها هنا معانا ولكن طبعا مختلفة
التعليم
بالحشو هو اعطاء كمية كبيرة جدا من المعلومات للطالب من المرحلة الابتدائية الى
المرحلة الجامعية , بالتوازي مع تطبيق
عملي لكل شئ يتم تدريسه وده بتخلي الطلاب متحمسين و كمان طريقة
تقديم المنهج للطلاب مش مجرد شرح , المنهج بيقدم من
خلال طرق كتير زي طريقة حل المشكلات وخلق ازمة و جو تنافسي بين الطلاب على كيفية
حل الازمة وهذا ساهم في ان المدرسة اصبحت مكان محبوب جدا للطلاب
هناك كمان لا
يعتمدوا على الدرجات بشكل اساسي زي عندنا , يعني المرحلة الابتدائية
مفيش فيها نجاح و رسوب
نيجي بقى نبص لسبب نجاح العملية التعليمية الحقيقي و هو المعلم
طبعا المعلم هناك ليه مكانة كبيرة اوي و هو في نفسه كدة مش
بيعتبر التعليم مجرد شغل و مرتب , ده بيعتبره
رسالة مقدسة
ومن اشهر
الاقاويل عن المعلم "اجعل المسافة بينك
وبين المعلم سبع خطوات حتى لا تخطو فوق ظله"
وده بيدل على عظمة المهنة
طبعا المرتبات
لهم عالية جدا مقابل دور كبير اوي بيبقى مطلوب منهم زي علاقة القوية بالطلاب و التفانى في العمل, وزيارة اولياء الامور لابلاغهم بمستوى ابنائهم اول
باول
