الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
مقالات

لما حد يسألك هم المعلمين عملوا ايه..

الأحد 06/أغسطس/2017 - 12:09 ص

ده ابسط رد من معلم محترم على مستشار التعليم.. لما حد يسألك.. وهم المعلمين قدموا ايه للعملية التعليمية رد بقلب جامد:
1 - قدمنا شهداء سقطوا فى قاعات العلم بالمدارس ولجان الامتحانات من الحر والمرض.
2 - قدمنا اكتر من 203000 الف معلم ومعلمة فارقوا الحياة قبل بلوغ سن المعاش بزيادة 800% عن اى مهنة اخرى.

3 - ياحكومة عامية (ده بينى وبينكم بس ) بقى انتو تاخدونا شباب خريجى جامعة محترمين وتمنعوا عننا الاكل والشرب والمال وبعدين تسألوا مظهرنا سيئ ليه؟ هو العالم ورجل الاعمال فى السجن بيتسألوا لابسين ازرق ليه مش ده اللى انتم حطينا فيه . هم مساجين جوانتنامو لابسين برتقالى ليه ؟ ما تردى على روحك ياحكومة .
4 -قدمنا تعليم مضاد للأنحراف والفساد والأسفاف اللى بتصرفوا عليها مليارات عشان تفسدوا اللى احنا بنعمله ...
5 -قدمنا نمازج مشرفة بنين وبنات متفوقين لمجرد انهم طلبوا العلم بشكل صحيح ... وأحبوا يبقوا من ورثة الأنبياء ويتموا الفريضة اللى أمرنا بها رسول الله صل الله علية وسلم.

6-قدمنا الاف وكيل النيابة والقاضى وقدمنا ألاف الاطباء والمهندسين والمعلمين والسفراء واساتذة الجامعات لمصر والعرب والعالم بل وقدمنا ضباط الشرطة والجيش أنفسهم ...
قدمنا كل حاجة حلوة . انتم قدمتوا أية للمجتمع ؟؟؟..

أنتم قدمتوا فقط اعلام فاسد وسينما هابطة وشوارع مليانة زبالة وسلع مستوردة مضروبة وسلع مغشوشة ورشوة عينى عينك .. قدمتوا أية للمصانع اللى بتتقفل كل يوم ..

قدمتوا أية للمبتكرين والمخترعين .. قدمتوا أية للمتفوقين فى كل المجالات .. قدمتوا أية لمكافحة الفساد والرشوة والمحسوبية فى كل مكان .. قدمتوا اية للمنظومة الدينية أو الأخلاقية والمجتمعية ؟؟.. وغيره وغيره.. ماتفتحوناش عشان احنا اللى عايزين البلد تنضف.. وتتقدم وبالمناسبة دى.. (انا المعلم )