بالصور.. فتاة منتقبة تتعرض للتحرش داخل ميكروباص
الثلاثاء 12/سبتمبر/2017 - 11:45 ص
كان زمان نقول لبس البنت سبب التحرش، واليوم نقول الفتاة منتقبة وتعرضت للتحرش من احدى الشباب فى المواصلات العامة.
نشرت شروق أسامة فتاة منتقبة، صورًا توثق به تعرضها للتحرش داخل ميكروباص من أحد الشباب في منطقة حلوان بالقاهرة.
وقالت شروق اسامة، في منشور لها عبر صفحتها بموقع التواصل الاجتماعي "فيس بوك": "دي تقريبًا أول مرة اقتنع أن معندناش رجالة.. ده لسه حاصل معايا حالًا.. أول حاجة عملتها إني صورت عشان لما يقول معملتش أعرف أرد عليه.. بس بمجرد ما زعقت وعليت صوتي لقيت الكل بيقول خلاص يا آنسة ومحدش فكر يتجدعن كدا".
وأضافت" شروق"، خلاص إيه حضرتك ده بيمد إيده أهيه.. معلش خلاص.. يعني رجالة كبار بشنبات بيقولولي اسكت لما واحد يمد ايده عليا.. ده أنا أصحابي أرجل منهم.. إحنا معندناش رجالة فخدي حقك منك ليها واخشنوا.. ويبقى حد يجي يقولي أصل لبسك مستفز.
واوضحت، كنت راكبة ميكروباص من حلوان للتبين.. وأنا كنت راجعة من درس.. وحتى لو مش درس هتقدروا إزاي تحبسوا البنات في البيوت عشان أنتوا حيوانات مش قادرين تمسكوا نفسك عن بنات الناس.. لبسي مش ضيق وشي مش شايفة.. شوفوا حجج تبرروا بيها غير دي.
