رسالة إلى الموجهين ( موجه - موجه أول - موجه عام ) المعلم ليس تابعا لك تنقله وتنتدبه كما يحلو لك

وجه الناشط التعليمي محسن حليم علي صفحته الشخصية علي موقع التواصل الاجتماعي "فيس بوك" رسالة إلى الموجهين ( موجه - موجه أول - موجه عام ) المعلم ليس تابعا لك تنقله وتنتدبه كما يحلو لك.

وإليكم نص الرسالة

المعلم ليس تابعا لك تنقله وتنتدبه كما يحلو لك فأنت عضو في لجنة والقرار الوزاري لا يفردك في أخذ قرار بنقل أحد او ندبه بعيدا عن تطبيق الشروط والضوابط المنصوص عليها بالقرار الوزاري ٢٠٢لسنة ٢٠١٣ وهذا وقد تحدثت من قبل ثلاث مرات على صفحة التوجيه المالي والإداري على هذه الضوابط .

ولكن للاسف المشاكل كما هى والأخطاء كما هي ولكن لا تنسي ان التوجيه المالي والإداري هو الوحيد الذي يتولى متابعة تنفيذ الضوابط الواردة بالقرار ٢٠٢ لسنة ٢٠١٣ بشكل دوري طوال العام واتخاذ الإجراءات القانونية في حالة مخالفة أحكامه.

حتى لو اللجنة مضت كلها وفي مخالفة هتسأل اللجنة كاملة  يا ريت نراعي ربنا مش علشان نجامل نظلم انا عارف ان في مجاملات بس أوعى تظلم .

حضرتك تعرف انى مش محتاج ان حد يشتكي علشان افحص حركة التنقلات او الانتدابات

ارجع للقرار الوزاري وأقرأ أخر مادة وحضرتك هتعرف انى ممكن اطلب رسميا حركة تنقلات اوانتدابات واشوفها انها تمت وفق الضوابط ولا لأ.

يا جماعة والله العظيم عندي رسائل كثيرة بشكواي من الندب والنقل والمشكلة ان نسبة كبيرة الخطأ واحد يا جماعة احنا بنقول والقرار. بيقول بالتناوب وما فيش حاجة اسمها قديم وجديد كلها دايرة وهادور على الكل لو حتى حضرتك كده ان شاء الله بعد الثلاث سنين بتاعوتك ولم يجدد لك ورجعت معلم تاني يتم ندبك لسد العجز

اصلا حضرتك مش واخد بالك

اصلها دايرة وهتلف على الكل

علشان كده باطلب من جميع الزملاء الموجهين الماليين علي مستوى الجمهورية طلب مراجعة حركات التنقلات بالطريق الجشنى لجميع التوجيهات