أولياء الأمور يفتحون النار علي "شوقي" بعد رسوب تلميذ معاق في الصف الأول الابتدائي.. "شفنا فيكي العجب يا وزارة حطمت ابناءها "

وجه بعض أولياء الامور رسالة الى الدكتور طارق شوقي، وزير التربية والتعليم والتعليم الفنى قائلين:"شوفنا فيكي العجب  يا وزارة  حطمت ابناءها"

قالت احدى نشطاء "فيس بوك"، لأول مرة يتم رسوب تلميذ في الصف الأول الابتدائي النهارده فى ولية امر طالب جات المكان اللي بشتغل فيه ولما سالتها ع نتيجة ابنها الطالب ف الصف الاولي الابتدائي دا اللي شوفته،"اول حالة رسوب اشوفها ف اولي ابتدائي".

واضافت: "امجد يتيم الاب وامه بتعمل كل جهدها علشان تعلمه وعلشان هو حصله حادث ادي ل اصابته ب اعاقة ف نصه اليمين ف ولدته عانت كتير جدا لحد م عالجته ودخلته المدرس بس مدير المدرسة والمدرسين كانوا شايفين ان امجد ملهوش حق انه يتعلم وحاوله يطلعوا الطفل من المدرسة بكل قوتهم لدرجة ان مامته وصلت انها تحوله مدرسة خاصة حتي لو فوق طاقتها ولما المدير يائس منها قرر يقهر الطفل ويسقطه علشان يخلي امه تفقد الامل ف تعليم"

وتابعت: "ام امجد جات النهارده والدموع ف عنيها بتقول اعمل ايه ف ابني ارميه ف الشارع انا ابني مش معاق زهنيا علشان ميتعلمش".

ومن جانبها قالت والدة التلميذ، أن ابنها مصاب بإعاقة في نصفه اليمين وقد عانت كثيرا في علاجه، ولكن مدير المدرسة يري أنه ليس من حقه أن يتعلم، وعليه أن يحول الي مدرسة ذوي احتياجات خاصة.

واضافت كنت  هقدمله  في مدرسة ذو احتياجات خاصة ولكن دكتوره قالها ان امجد مش معاق ذهنيا وحقه يدخل مدرسة عادية لان نسبة ذكاءه عالية.