نتعلم دايما.. من عزيز مصر

فعلا.. انا بتعلم من كلماته واحاديثه اللى دايما عزيز مصر بيقولها لينا وينصحنا بيها.. اتعلمت جملة ( احنا م عندناش وقت ) يعنى بلاش كسل.. يعنى اشتغل بسرعة وقوة ودقة.. يعنى اشتغل بضمير وفاعلية.. يعنى البلد محتاجة انك تكون شغال علشانها ومخلص ليها طول الوقت..

اتعلمت ان القائد هو أول المتحدثين وقت الازمة ليبشر الناس ان الامور غير مؤثرة ولا داعى للقلق فى اى جانب وده فى كل الازمات واخرهم أزمة إيران..

اتعلمت انى لازم يكون عندى شخصية شغل وثقة بالنفس والتمسك بالراى الصحيح والعزيمة القوية فى الاصرار عليه.. مهما حاول السلبيين التشكيك والنقد وبث الاحباط والتعقيد ووضع العراقيل.. النجاح اخرسهم وجعلهم يراجعون أنفسهم من جديد.. وادينا بنشوف نجاح الرؤية المسبقة والحكمة المصرية.. وايران شغالة قصف فى بنية دول  والقواعد  الاجنبية اللى فيها.. مش حذرناكم ونصحناكم وقلنا ليكم ؟
لكن اقول 
- الحمدلله على نعمة الأمان اللى احنا عايشين فيها.. احنا بنصوم ونصلى التراويح ونطلع الشوارع ونركب المواصلات ونسهر ونقعد فى الشوارع والمقاهي وغيرنا نايمين ف الملاجىء  ومش عارفين ح يطلع عليهم صبح تانى ولا...  
- مصر فى حماية الله وجيشها وشعبها.. مش منتظرة حماية حد ف الدنيا.. احنا غير.. 
- الدول الغربية بتنصح رعاياها فى دولة العدو.. بالتوجه الى مصر لأنها أمان.. 
- الدول الأوروبية جعلت من مصر موقعا لنقل صادراتها الى دول الخليج.. لان مصر أكثر الدول امنا.
- السماء المصرية أصبحت الأكثر امانا فى الشرق الأوسط لعبور الطائرات العالمية وتشهد ازدحاما 
- التعليم مستمر فى كافة المؤسسات التعليمية.. لكن غيرنا قفلوا المدارس وجعلوها  on line 
- الأنشطة الرياضية مستمرة ومنافسة الاهلى والزمالك مستمرة..
- الكهربا موجودة والمواصلات مستمرة وكله تمام جدا.. 
-  عزيز مصر بيقول ( انا ح افضل ابنى واعمر ) تحيا مصر.. ام الدنيا.