الجمعة 29 مارس 2024
رئيس مجلس الإدارة
محمد ابراهيم نافع
رئيس التحرير
محمد الصايم
ثقافة وفن

نمبر وان.. يا ريس جمال سلم لي علي "إسماعيل ياسين"

السبت 02/أكتوبر/2021 - 11:41 م
السبورة

في إطار متابعة موقع "السبورة" للموضوعات والتقارير الفينة والخاصة بالأعمال الفنية ذات التأثير الكبير في وجدان الشعب المصري والتي ستحق من قدمها لقب "نمبر وان" ننشر سلسلة من الحلقات عن هذه الموضوعات ذات التأثير الفني الكبير في وجدان المصريين والتي عاشت حتي اليوم لتشهد علي جميل من الفنانين العظام.

نشرت إحدي الصفحات الفنية علي موقع التواصل الاجتماعي تقريرا عن أفلام الفنان الراحل إسماعيل ياسين
جملة قالها مواطن مغربي للزعيم جمال عبد الناصر لما راح زار المغرب بعد ما المواطن ده إخترق الصفوف و البروتوكولات

محدش كسب أموال زي إسماعيل ياسين من جموع الفنانين إسماعيل ياسين كان أعلي أجر وكان بيعمل في السنة الواحدة عشرة و عشرين فيلم و عمره ما إهتم بالفلوس كان بيصرفها علي حواليه قبل منه وكان في قمة التواضع و البساطة زي أدواره

إسماعيل ياسين عمره ما كان بخيل بالعكس لمعلومات حضرتك كل مبلغ كان يتقاضاه من فيلم كان يطلع منه جزء لله وياما وقف جنب عمال و فنانين ضاق بهم كفاية بس وقفته مع بلده مصر إللي ياما إتبرع لها من غير ما يعمل هيصه أكتر من أربعين سنة فن و إبداع و ضحك و بهجة و سعادة


ورغم مرور ما يقرب من خمسين سنه علي وفاته إلا أنه لايزال عايش جوه كل واحد فينا صغير ولا كبير مهما اختلف الأذواق ٤٥ سنة سينما و مسرح و إذاعة و تليفزيون و منولوجات

أنشأ مسرح وقدم أروع و أهم مسرحيات فيها ضحك و معني أفلامه أصبحت من أهم أهم أفلام الكوميديا في تاريخ السينما العربية عمره ما قال علي نفسه نمبر وان ولا عمره ظلم حد ولا عمره كان بينه و بين زملاءه إلا كل خير و حب و وفاء

ده من أبسط أبسط أبسط ما يقال عن الراجل العظيم ده إسماعيل ياسين رحمه الله و غفر له و أسكنه فسيح جناته