نفسي" اتجوز" انا واختي ..مش عارفه حظنا في الدنيا وحش ليه

خايفة جدا من الوصول الي مرحلة الاكتئاب انا فتاة عمري 25 سنه والحمدلله المستوي المادي والتعليمي كوس جداا وشكلي كمان جميل الحمدلله لكن حظي مش عارفه ليه انا واختي وحش في الدنيا ، انا اتخطبت 3 مرات قبل كده واتقدم لي ناس كتير قوي لدرجه غريبه بس سبحان الله كل المواضيع لا تنتهي علي خير ، حتي اختي نفس القصة ماما نفسها تفرح بينا قووي احنا للاسف وصلنا لمرحلة مبقاش فارق معانا عريس لاننا عارفين عريس هيجي ومش هيحصل نصيب انا بقيت بكلم نفسي كتير ومش عارفه ايه السبب لدرجه فكرت العيب فينا احنا لكن مش عارفه ايه العيب والله انا لعمري طلبنا شبكة ولا " اتنكنا " علي حد يتقدم وقدرنا ظروف ناس كتير قووي لو حد مش مكون نفسه ممكن نقف بجواره ونوافق بس ميحصلشي نصيب بقيت انا واختي في العيله الي لسه متجوزوش حتي اصحابي بقيت انا الوحيدة الي متجوزتش ناس كتير مستغربه من العرسان وميحصلشي نصيب وكل خطوبة بتتفشكل انا والله مش عايزة حد غني ولا مستوي عالي انا رضيت باقل مني في المستوي التعليمي والمهني كان عامل بوفيه وسبحان الله الجوازة لم تكتمل ايضا يوم الاتفاق بجد انا حاسه ان العمر بيجري ومش عارفه اعمل ايه طاحنه نفسي في الشغل من الصبح لحد بالليل برجع تعبانه بس ديما بقيت بقوم نفسي مقبوض وخايفه كل يوم بقي زي التاني والعمر بيجري وانا مش عارفه سبحان الله ليه بيحصل كده انا بالرغم اني لم اطلب شروط زي اي عروسه وولدي اغلب من الغلب ناس كتير قالت هاتي شيخ اكيد معمول لكم عمل بوقف الحال بصر احه انا لا اعتقد في الكلام ده بس شكلها كده فعلا لان البيت فجأه نبقي نهزر ونضحك وفي لحظة نتخانق وعلي سبب هايف امي ديما بتشغل القرأن في البيت وكلنا في البيت بنصلي الحمدلله بس والله انا تعبانه نفسي نحس بفرح الجواز انا او اختي نفسي اروح افرش شقتي او شقه لاختي نفسي ابقي عروسة وبجهز نفسي او اجهز مع اختي والله انا بقيت بكلم نفسي كل الوقت وبدعي ربنا وعندي امل كبير ان ربنا شايلي لسه الخير اوقات قلت انا الي شر علي الناس دي علشان مبيحصلشي نصيب لانه مش واحد ولا اتنين ده كلهممم ادعولي ارجوكم لاني فعلا تعبانه

* المحرر الصبر لان ربنا لايؤخر حاجه الا لسبب وده نصيب الله اعلم يمكن ربنا شايلك الاحسن وده رزق وبيجى في وقته واكيد عشان انت كويسه ربنا هيبعتلك الى يقربك منه مش يبعدك عنه

الزواج ليس مرهون بوقت ولا عمر محدد ...

المهم تعملى اللى عليكى و تكونى انسانه ملتزمه مع نفسك و مع ربنا و ربنا حيبعت اللى فيه الخير ..

العمر الذى ستعيشيه بعد الزواج هو أطول من العمر الذى عشتيه قبل الزواج فدققى فى الاختيار

الاختيار بالعقل أولاً والقلب ثانياً