الأربعاء 29 يونيو 2022
رئيس مجلس الإدارة
محمد ابراهيم نافع
رئيس التحرير
محمد الصايم
تغريدة وبوست

القصة الكاملة لـ اتهام مدرس حدائق الأهرام بالتحرش.. وزوجة المدرس :"مش هاسيب حقه"

الخميس 05/مايو/2022 - 01:27 م
أرشيفية
أرشيفية

لا تزال أصداء اتهام مدرس بالتحرش بطالبة في حدائق الأهرام تدوي علي صفحات مواقع التواصل الاجتماعي "فيسبوك" حيث طالب عدد من المعلمين وأولياء الأمور بضرورة رد اعتبار المعلم بعد ثبوت عدم قبامه بهذه الأفعال الدنيئة.

ونشرت صفحة موقع السبورة علي "الفيسبوك" منشورا بتفاصيل الواقعة تضمن التالي:

"من كام يوم طلعت واحدة في ڤيديو لايڤ بتقول إن مدرس بنتها "١٥ سنة" اللي بيديها درس خصوصي في البيت، تحسس مناطق بجسد البنت أكتر من مرة وعرفت بعد ما البنت صرخت، والست طبعا اتصلت بزوجة المدرس وحكتلها وقالت إنها طلبتله الشرطة، بعد التحقيقات اتضح إنها كانت مشادة كلامية بين الست والمدرس على فلوس الدرس ومفيش ولا حاجه".

وأضاف المنشور "أنا بس عايزين نتخيل شعور الشاب ده اللي لسه متجوز وله بيت بعد ما اتشهر بيه في مصر كلها بالكدب وآلاف الناس هاجموه وكمية الدعوات عليه في الأيام الفضيلة ظلم، وشعور مراته لما جتلها المكالمة واتقال على جوزها الكلام ده، والمرمطة اللي حصلتله بعد تصويره وقعدته دي ".

وتابع المنشور "الست مش دايما ضـ ـحية ومش أي حاجه تتصدق للأسف هي استغلت إنه عندها في البيت وهو مانطقش بكلمة .. ياريت بس كل الناس اللي نشرت الواقعة دي تعرف مين الظا.لم الحقيقي".

من جانبها علقت زوجة المدرس المتهم بالتحرش علي الواقعة قائلة" جسم جوزي مليان أثار من الضرب والاعتداء وبقي يتعرض لنوبات صرع وهو نايم"

وأضافت الزوجة في تصريحات صحفية "جوزي محترم وانا مش هاسيب حقه وهافضل معاه بحب ومتجوزين بقالنا 15  سنة وهو ابن عمي وما صدقش عليه كدا".

 وألقت الشرطة المصرية القبض على سيدة حدائق الأهرام بعد إجراء بث مباشر على منصة فيسبوك، ادّعت خلاله تعرض ابنتها للتحرش على يد مدرس مادة العلوم خلال حصة درس خصوصي، وفي قسم شرطة الهرم تحرر محضر بحدوث مشاجرة وبعدها قررا التصالح ولم يتحدث أي شخص عن التحرش مطلقًا.