الأحد 14 أبريل 2024
رئيس مجلس الإدارة
محمد ابراهيم نافع
رئيس التحرير
محمد الصايم
ثقافة وفن

بيومي فؤاد.. حقى هياخده ربنا من كامله أبوذكرى  ومفيد فوزى قال انت مش بتضحكنى والكبيرأوى مسك الختام واللى شتمنى عيال متربتش

الخميس 28/مارس/2024 - 07:59 م
بيومي فؤاد
بيومي فؤاد

الفنان بيومي فؤاد صاحب أشهر أزمة فى الوسط الفنى خلال السنوات الماضية مع الفنان محمد سلام  بعد رفضه حضور احدى المسرحيات فى موسم الرياض والتى أثارت جدلا واسعا خلال الفترة الأخيرة وكان هناك تضامن غير مسبوق مع الفنان محمد سلام بعد مشاركة بيومي فؤاد بدلا منه 

اكد بيومي فؤاد أن لن أتراجع عن تصريحاتى التى أثارت الجدل  فى موسم الرياض ومش ندمان على كلامى وانا راجل وقد كلامى والحملة كانت شرسة ضدى وعلى محمد أنور واللى شتمنى عيال صغار بدون تربية والعيب مش فيهم العيب على اللى رباهم وعلمهم قلة الأدب 

 

بيومي فؤاد لا اتراجع عن تصريحاتي في موسم الرياض "أنا قد كلام عشان راجل"

 

علق الفنان بيومي فؤاد، لأول مرة على تصريحاته التي أثارت الجدل بـ موسم الرياض بعد أزمة محمد سلام، قائلا: "مش ندمان على كلامي وأنا قد كلامي عشان راجل واعتذر فقط عن حاجة واحدة أني قلت مش جاي اضحك وأنا جاي اضحك والضحك شيء جميل والكوميديا شيء صعب".

 

وأضاف  بيومى فؤاد ، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنهم يطلقون عليه في الخارج عمدة المصريين ويستشعر مسئولية، مضيفا: "لما بطلع بمسرحية بحس أني رئيس بعثة ومسئول عن الناس بتوعنا ولكنا اشتمنا لما رحنا والحملة كانت شرسة على محمد أنور لأنه كان البديل ومكنتش بشوف الحاجات اللى على السوشيال ميديا ومحمد أنور كان بيبكي".

 

اضاف بيومى فؤاد  "كنا بننزل وقت الفطار والغداء والعشاء نتعشى وهو مش معانا وكنا بنسابق الزمن وأنور كان بيعمل البروفات والأغانى والاستعراضات وعملنا بروفات يزيد عن شهر واحنا سفراء لبلدنا بيحبونا ويحترمونا ويقدرونا لو ده كايدكم أو غايظكم لكن دي حقيقة وهما بيحبونا وده غايظ اللي بيشتمنا ويدعي علينا ادعاءات والمفروض انه مثقف"، مؤكدا أن محمد أنور كان مكتئب جدا.

 

بيومي فؤاد "اللي شتمني شباب صغير والعيب مش عليه العيب على اللي رباه"

 

كشف   بيومى فؤاد ، أنهم بالتحري عن الأشخاص الذين سبوه وشتموه بعد الازمة الاخيرة تبين أنهم شباب صغير في سن 17 و18 و20 سنة، قائلا: "اللي شتمني.. انا اخويا محامي اكتشفنا أنهم أولاد صغيرين وأنهم يسمحوا يشتموني بأمي وابويا العيب مش عليهم ولكن العيب على اللي رباهم".

 

وأضاف  بيومى فؤاد ، خلال حواره ببرنامج "حبر سري"، مع الاعلامية اسما ابراهيم، على قناة القاهرة والناس، أنه قرر الظهور في الاعلام لتوضيح الصورة لمن يحبوه، قائلا: "اللي بيحبوا بيومي وزعلانين مني أنتم فوق دماغي واطلقوا عليا لقب الجوكر ونجم الكوميديا ولكن لما عائلة بسيطة يصوروا معايا ويقولوا لي بنحس أنك واحد مننا ومن بيتنا ويزعلوا مني يبقى انتهيت ولو فهمني غلط يبقى انتهيت".

 

واستكمل بيومي فؤاد: "اللي بيحبني ويحترمي فوق راسي واللس مش بيبحني ولكن يحترمني أنت فوق دماغي وانا شخصيتي زي ما هي عفوي وطيب وراجل"

 

علق الفنان بيومي فؤاد، على هجوم المخرجة كاملة أبو ذكري عليه بعد أزمته مع الفنان محمد سلام بسبب تصريحاته الأخيرة، قائلا: "كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها وهي قررت ومكتبتليش ليه اللى عملته ولكن هي قالت رأيها وقررت".

 

وأضاف بيومي فؤاد، خلال حوار ببرنامج "حبر سري"، مع الاعلامية اسما ابراهيم، على قناة القاهرة والناس، أن العلاقة بينهما كانت كلها ود، متابعا: "كان في بينا كلام وهي مخرجة كبيرة والواحد يتمنى يشتغل معاها وفي سجن النسا بعتتلى وعرضت عليا 3 أدوار وساعتها كان عندي مسلسلات كتير فرحت لها واعتذرت لها وتقبلت الاعتذار".

 

وعن موقفه مما  ذكرته في البوست الذي هاجمته فيه قائلا: "قبل كده هي قالت أنها كانت واحدة من جمهوري ومحبيني وبعدين قالت اللي قالته عليا وأنا بقرأ البوست بعد الأزمة قلت حقي عند ربنا وكل واحد هياخد حقه".

 

بيومي فؤاد.."بقيت أخاف أزعل حد واخترت مسلسل الكبير أوي لأنه صاحب فضل عليا"

 

أكد الفنان بيومي فؤاد، أنه لم يصادف أن قابله أحد من الجمهور في الشارع وحدثه عن أنه يحبه ولكن لا يضحكه في اعماله، قائلا: "محصلش أن حد قابلني في الشارع وقالي مش بضحكني ولو حصلت هقوله كفاية أنك بتحبني والحب نعمة من ربنا وحصل أن مفيد فوزي قال اني ممثل متمكن ولكن مش بيضحك وده رأيه يحترم والقبول نعمة من ربنا".

 

وكشف بيومي فؤاد،، عن سبب عدم مشاركته في أي أعمال خلال شهر رمضان سوى الكبير أوي، قائلا: "ماشركتش غير في مسلسل الكبير أوي لأني ماضي حصري وترشحت في 6 أعمال ومقدرش أقولهم عشان تبقى قلة ادب ولما اقول اسم الاعمال ممكن الممثل يزعل".

 

وتابع: "أنا بقيت حريص قوي وبقيت أخاف ازعل حد ومضيت حصري الكبير أوي وفضلته لأني أساسي فيه وتحت أمره وصاحب فضل على ومقدرش اتراجع عن الكبير قوي واخترت مكنش موجود كتير عشان في ناس زعلانة وأنا بتحدى بـ الكبير أوى  الموسم ده وتعبنا فيه جدا ويقال انه هيبق مسك الختام".