الأحد 16 يونيو 2024
رئيس مجلس الإدارة
محمد ابراهيم نافع
رئيس التحرير
محمد الصايم
أخبار مصر

أمينة الفتوى: ربنا ينصف المظلوم بالانتقام من ظالمه فى الدنيا

الإثنين 20/مايو/2024 - 07:43 م
السبورة

أجابت الدكتورة هند حمام، أمينة الفتوى بـدار الإفتاء المصرية، على سؤال متصلة حول: "تعرضها لظلم كبير وإنها لا تستطيع أن تسامح من ظلمها، فهل عليها إثم فى دعائها عليه؟".

 

 

أمينة الفتوى: الظلم من أشد أنواع الأذى للإنسان

أوضحت أمينة الفتوى بـدار الإفتاء المصرية، خلال حوار مع الإعلامية سالي سالم، بحلقة برنامج "حواء"، المذاع على فضائية "الناس"، اليوم الاثنين: "يعني طبعا هو الظلم ده من أشد أنواع الاذى للانسان لان احساس الانسان بالظلم بيسبب له عجز وقهر وبيحس إن يعني الناس جت عليه فالاحساس ده، احساس صعب جدا إن الانسان يحس بيه وانسان الظالم ده اللي هو ظلم العبد هو جزاءه عند ربنا عظيم جدا عظيم في مش في الاجر والثواب لا هو عظيم في العقاب لان ظلم الناس من اشد انواع الايذاء اللي فيها حقين أول حاجة حق للعبد، وحق لله سبحانه وتعالى، حقين من ناحية إن ربنا سبحانه وتعالى نهانا عن الظلم، فلما أنا ظلمت حد من العباد يبقى أنا انتهكت الأمر اللي ربنا سبحانه وتعالى نهانا عنه فانا وقعت في ذنب بمخالفة النهي بتاع ربنا سبحانه وتعالى وفي نفس الوقت اوقعت ظلم على العبد فاصبح فيه حق للعبد فالامر فيه حق مشترك حق لله وحق للعبد حق الله لا يمكن ان ربنا يعني يعدي امر الظالم ده بدون عقاب سواء دنيوي او اخروي".

 

أضافت أمينة الفتوى: "ولعل من اشد انواع الانصاف للانسان ان هو يرى عقاب ربنا للظالم وهو مازال على قيد الحياة يعني من اشد الحاجات اللي تبرد قلب كل انسان يتعرض للظلم ان ربنا يجعل دائما رد الحقوق في الظلم بالذات للناس حال الحياه قبل كمان الاخره ليه عشان اولا الظالم ده يتعظ والمظلوم يحس ان خطره انجبر فضلا عن ان احنا بنقول ان امر الظلم ده في حق الله وحق للعبد".

 

كانت الشركة المتحدة للخدمات الإعلامية، قد أطلقت قناة الناس في شكلها الجديد، باستعراض مجموعة برامجها وخريطة الجديدة التي تبث على شاشتها خلال 2023.


تبث قناة الناس عبر تردد 12054رأسي، عدة برامج للمرأة والطفل وبرامج دينية وشبابية وثقافية وتغطي كل مجالات الحياة.