الى الدولة.. عاجل إلى وزير التعليم

الشباب محتاج يشتغل لأنه طاقة كامنه يجب توظيفها. المشروعات القومية ساعدت فى تشغيل الكثير من الشباب وفتحت بيوت وزودت الدخول المادية للكثير ممن عملوا ويعملون بها. الشباب اللى اتدرب واتعلم انه يكون معلم محتاجين استخدام طاقته الشابة بإيجابية.. الإنسانية الاجتماعية والاحساس بالشباب وحاجتهم للعمل مهم جدا. 

اكتر من ٧٠% من المعلمين فوق سن الأربعين

يا ريت التشغيل بالحصة يكون الجانب الأكبر منه للشباب اللى اتدرب انه يكون معلم ولم يتدرب على العمل بوظائف أخرى.. يا ريت التشغيل بالحصة يكون الاولوية فيه للشباب.
احنا محتاجين طاقة جديدة فى الشغل. اكتر من ٧٠% من المعلمين فوق سن الأربعين. 
احنا محتاجين طاقات تدفع العمل التدريسى للأمام بطاقات شابة نشيطة متعطشة للعمل والنجاح.

التشغيل للشباب

يا ريت التشغيل يكون الاولوية فيه للشباب لأن الناس دى محتاج تشتغل ومحتاجه دخل بدلا من إهدار طاقتها الشابة فى أمور سلبية وتستمع لافكار سلبية تساعدهم للحصول على المال وقوت حياتهم.

مسابقة استثنائية لتعيين خمسين ألف شاب بالتعليم

يا ريت حضرتك وبلا حرج بجانب التشغيل بالحصة تطالب الدولة بعمل مسابقة استثنائية لتعيين خمسين ألف شاب بالتعليم لسد العجز فى مواد العجز الشديد مثل العلوم والرياضيات واللغة الانجليزية.. يا حضرتك تسعى إلى دفع طاقة جديدة شابة للعمل بالمدارس.
يا ريت المعلمين الأساسيين م يشتغلوش زيادة عن نصابهم إلى فى الحدود القصوى او زى م بيتقال فى العرف بتاعنا أحكام نصاب او احكام جدول لما يزيد حصتين او تلاته زيادة عن النصاب.

بلاش حصص بأجر للمعلمين الأساسيين

يا ريت بلاش حصص بأجر للمعلمين الأساسيين والتركيز على الشباب فقط لأن المعلم الاساسى معاه مرتب لكن الشاب عايز دخل يستقل بيه عن أسرته او يكتفى به عن الاستعانه بوالديه.