الى عزيز مصر.. وصيهم علينا

من كثرة حبى ليك.. اكتب إليك.. يكفى ان سيادتكم تتابعون بأنفسكم مواقع التواصل.. وتعرفون أحاديث الناس واحتياجاتهم وطلباتهم وتطلعاتهم.. دون وسيط.. واول طلب اتمنى من حضرتكم التوصية العاجلة بدعم القوة الشرائية للمواطن متوسط ومحدود الدخل.. لانه محتاج المعونه العاجلة.

والطلب الثانى اتمنى من سيادتكم الاستماع لرأى الجهاز المركزى للتنظيم والإدارة والجهاز المركزى للمحاسبات والتشريع المالى بوزارة المالية فى شأن حقيقة ازمة اساسى ٢٠١٤ لان هناك حقيقة لم تصل للدولة فى هذا الشأن ولا يمكن نشرها للصالح العام.. جملة ( وصيهم علينا ) لا تعنى قصور عند البعض ف منهم الناجح لكن احنا بنتمنى بزيادة.. بنتمنى ف بلدنا ومن بلدنا ولصالح ناس بلدنا.. لذلك نبدأ ب 

فى النقل والمواصلات حصلت نجاحات كتير.. ده واقع ملموس محدش يقدر ينكر ده.. وزارة النقل نجحت كثيرا فى مشاريعها والسكة الحديد نجحت فى تقليص خسارتها لمستويات اقل مما كان بكثير.. شكرا لجهودكم.. لكن نتمنى التوصية بزيادة عدد قطارات تحيا مصر بين المحافظات فى الصباح الباكر وفى الظهيرة.. اولا القطارات الحالية أصبحت شديدة الازدحام.. ثانيا الحالة الاقتصادية للطالب الجامعى والموظف ربنا أعلم بيها.. ف نتمنى التوصية علينا..

فى التموين.. ال ٥٠ ج للفرد محتاجين نزودها شوية.. لان القوة الشرائية ل ٥٠ج الان ليست مثل قوتها الشرائية عند تطبيقها ف نتمنى النظرة إليها..

فى التعليم محتاجين توصيات كتير وبزيادة.. 

اول حاجة يا ريت سيادة الوزير يعدل قانون الكادر تانى وان المعلمين المحالين للتقاعد من اول سبتمبر حتى نهاية مايو يتم استمرارهم فى العمل حتى نهاية مايو فقط وليس نهاية اغسطس.. ليه بقول كدا.. لان مفيش تدريس او حاجة اليهم فى شهور يونيو ويوليو واغسطس.. يبقى اوفر لمصلحة مصر ام الدنيا.. ويا ريت م يزعلش منى ف أمر التعديل.. 

تانى حاجة.. وصوا علينا قيادات الوزارة ان ادارة المتابعة وتقويم الاداء ليس لها علاقة بسجلات المعلم والطالب لان ليهم موجه فنى يقوم بعمله.. ويا ريت الوزارة تبحث بجدية الغاء ادارة المتابعة وتقويم الاداء لانهم ح يرجعوا المدارس يسدوا عجز وكمان ده ح يوفر للدولة وكمان لوجود أقسام تقوم بعملهم..

يا ريت توصوا وزارة التعليم بعمل انتخابات جديدة لمحالس أمناء الاباء والمعلمين فى كافة الادارات والمديريات بدلا من الجمود الحالى..

ورغم ان فكرة التقييمات ناجحة لكن يا ريت تخفيف الضغط ع الطالب والأسرة والمجتمع بان تصبح التقييمات مرتين شهريا اعتبارا من الترم الثانى فى كل مادة اساسية بواقع ٦ تقييمات فى الترم.. اما الواجب المنزلى وباقى الفروع ف ده امر عادى يومى او اسبوعى.. وده حل وسط بين المجتمع والوزارة..

ويا ريت حضرتك توصيهم بعمل تعديلات تشريعية ف الكادر لان هناك وظائف تمثل مخالفة ادارية قانونية فى شغلها وفى مالياتها.. ف نتمنى العلاج بسرعه وبدقه..

فى المالية مطلوب توصية بتخفيف اعباء ضريبة كسب العمل عن الموظفين.. لان الموظف هو الممول الضريبى الوحيد اللى بيدفع الضريبه مقدما وقبل م يقبض المرتب.. وكمان حضرتك وصيهم فى المالية بامكانية دراسة السماح للشركات والمؤسسات والصناديق الحكومية بشراء اذون خزانه او سندات خزانه ب فوائد بسيطة او شراء سندات خضراء وكل ده فى مصلحه مصر ام الدنيا.. ويا ريت لما يشوفوا ده ينفذوه لان احنا م عندناش وقت زى م حضرتك دايما تقولوا وبتشجعنا وبتقول اشتغلوا وانا معاكم..