الدكتور محمد كمال يكشف حقيقة واقعة طالبة سوهاج.. التعيين بين القانون والشائعات

بخصوص واقعة طالبة سوهاج التي تدعي أنه لم يتم تعيينها لأن أبوها مؤذن:

كلام الطالبة متناقض فتقول أن العميد أخبرها بعدم تعيينها لأن الخطة الخمسية لا يوجد بها تعيين ثم تعود لتقول أنه سألها عن وظيفة والدها فلما قالت له مؤذن قال لها أذني معاه لا نعين ابنة مؤذن.

دي مش أول مرة يحصل الكلام ده طالب يكون طالع الأول على قسمه أو حتي كليته ولا يعين فيقلب الدنيا وظالمني ومضطهدني عشان مش ابن دكتور أو عشان أبويا مؤذن ولا صنايعي ولا غيره.

كل الكلام ده غير صحيح لإن التعيين له شروط ليس منها مهنة الأب ولا حتي سجله الجنائي.

أول شرط أن تكون الخطة الخمسية مطلوب فيها تعيين معيدين. يعني لو الأول على قسمك وأعلى مجموع في الكلية وقسمك لا يوجد في الخطة الخمسية تعيين فيه لن تعين. تشتكي بقي إن زميلك في قسم اخر ترتيبه التالت على القسم والخمسين على الكلية واتعين. نرجع نلاقي إن القسم التاني كان طالب 4 معيدين. يبقي تعيينه صح وعدم تعيينك صح بردو.

الشرط التاني الحصول على تقدير جيد جدا تراكمي على الاقل وجيد في مادة التخصص.

وتطبق معايير التفضيل بين الطلاب المنصوص عليها قانونا.

إنما مش كل واحد لم يعين يطلع يقول ظلموني عشان مش ابن دكتور ولا علشان ماليش واسطة.

ولا ينفي ذلك إن هناك وسائط احيانا وابناء دكاترة يعينوا احيانا لكن بعد انطباق الشروط عليهم.

أما شخص يقول أن له حق في التعيين فالحل سهل ألجأ للاجهزة الرقابية ولو ليك حق هتتعين. مش عجباكي روح ارفع قضية وهتتعين.

إنما هجص وأكاذيب مش ناقصة