إلى عزيز مصر.. وصيهم علينا.. تكمل الفرحة

القرارات الاقتصادية التى اقرتها الحكومة بتعليمات من عزيز مصر.. قرارات تعبر عن ما يقوله لنا عزيز مصر دايما ويؤكد قوة ومكانة وصلابة جملة فخامة العزيز الغالي ( فى مسافة السكة ) دايما حاضر فى كل مكان داخليا وخارجيا فى الوقت المناسب.. القرارات صدرت فى وقت فعلا كنا محتاجين فيه هذا الدعم المعنوى والمادى.. كنا من جوا قلوبنا بنقول يا رب يدونا حاجة على رمضان او العيد.. وبالفعل تمت الأمنيات.. القرارات قد تكون تكلفتها ٤٠ مليار جنيه لكن برضو الأمور تحسنت والتضخم تراجع والدولة وفرت نصف تريليون  وأكثر بتخفيض الفائدة ٨% وأكثر فى الفترة السابقة.. شكرا عزيز مصر ونتمنى توصيهم علينا فى أمور ممكن تزود الفرحة ويبقوا أفراح جديدة..

١- وصيهم علينا أن تكون الزيادة فى المرتبات والمعاشات محسوسة بالفعل وليست زيادات تقابلها زيادة اسعار وتضخم جديد 

٢- وصيهم علينا يرفعوا حد الاعفاء الضريبى ل ١٠٠ الف جنيه لان ضريبة كسب العمل بتجهد المرتب 

٣- وصيهم علينا فى اسعار وباقات الانترنت لان تقليل أعباء الانترنت ح يوفر سيولة للأسرة يتم انفاقها فى جوانب أخرى. 

٤- وصيهم علينا أن هناك شباب ليهم سنين متعاقدين ومحتاجين يكونوا على درجات دايمة ويا ريت قرار مميز من عزيز معلمى بسرعة تسكين معلمى الدفعة الخامسة ل ٣٠ الف معلم.. المدارس محتاجة وهم دفعة كويسة ومفيدة.

٥- وصيهم علينا بمسابقة عاجلة لتعيين عمال واداريين فى التربية والتعليم احنا محتاجين ٦٠ الف عامل و٦٠ الف ادارى او نعين اوائل دفعات الدبلومات الفنية التجارية من سنة ٢٠٢٠ وننجز فى الوقت.. 

٦- وصى علينا مجلس النواب ووزارة التعليم بسرعة عمل مرحلة رياض الأطفال سنة واحدة إلزامية لان ده تفكير متميز  من وزارة التعليم وقياداتها ونفيد تعليميا للدولة والمجتمع.. 

٧- وصيهم علينا بعمل تعديل تشريعى فى قانون الكادر لحماية المال العام..

٨- وصيهم علينا بالنظر فى مكافأة الامتحانات لأنها من سنة ٢٠١٤ كما هى لا جديد فيها.. 
رمضان كريم وكل عام وحضرتك بخير وربنا يجعلك دايما فى مسافة السكة.. شكرا كتير..