كريم فهمي: عادل إمام عمره ما قال أنا رقم 1..والسوشيال عملت للرخيص قيمة

كشف الفنان كريم فهمي، عن تأثره الكبير بالفنان الكبير عادل إمام، مؤكدًا أنه كان يشاهد صورته يوميًا في شارع الهرم عندما كان صغيرًا، وأن أول تجربة تمثيل له كانت في سن 14 عامًا حين قدم شخصية عادل إمام في عرض مدرسي لمسرحية "مدرسة المشاغبين"

كريم فهمي: عادل إمام أهم نجم في الوطن العربي عبر التاريخ

وقال كريم فهمي، خلال لقاءه مع الإعلامية أميرة بدر، ببرنامج أسرار، على شاشة "النهار"، إن عادل إمام أهم نجم في الوطن العربي عبر التاريخ، ومع ذلك عمره ما قال عن نفسه رقم واحد، الناس هي اللي لقّبته"، معقبًا: "متأثر بيه جدًا، أول مرة مثلت كان عندي 14 سنة في المدرسة، وكنا بنعمل "مدرسة المشاغبين" وأنا كنت بعمل دور عادل إمام".

وتابع: "فالراجل ده أهم نجم في الوطن العربي عبر التاريخ، ومع ذلك عمره ما قال عن نفسه رقم واحد، الناس هي اللي لقبته، فإحنا بنتعلم من الجيل ده، وبحترمه لأنه واجه الإرهاب في أفلامه، وراجل لديه مواقف، أهم ملف بالنسبة لي التعليم، مش القراءة والكتابة بس، لكن إن كل واحد يبقى متعلم شغلته صح".

كريم فهمي السوشيال ميديا.. سلاح ذو حدين ومؤذية

كشف الفنان كريم فهمي، عن هجومه الأخير على السوشيال ميديا، مؤكدًا أنه لا يحبها كثيرًا، قائلًا: "هاجمتها لما كنت بكتب على فيسبوك، وقولت إنها عملت للرخيص قيمة".

وأضاف كريم فهمي، أن "السوشيال ميديا سلاح ذو حدين، وممكن تكون مؤذية أحيانًا، وأنا بصراحة مابفهمش الصراع اللي بيحصل فيها"، موضحًا أنه كتب في الماضي منشورات هاجم فيها السوشيال ميديا، إلا أنه أدرك لاحقًا أن ليس كل الآراء يجب نشرها.

وأوضح كريم فهمي أن جيله تعلم استخدام السوشيال ميديا بالتجربة لأنها لم تكن موجودة من قبل، قائلًا: "الحقيقة مش كل حاجة ينفع تتكتب، دي من الحاجات اللي اتعلمناها في السوشيال ميديا، إحنا جيل السوشيال ميديا اتولدت على إيدينا، ما كانتش موجودة وبقت موجودة، فالجيل الأصغر لو قلت له ما كانش في سوشيال ميديا زمان هيستغرب، فإحنا اتعلمنا معاها إن مش كل آرائك ينفع تقولها".

كريم فهمي:اللجان بتستفزني

وتابع: "فكرة اللجان بتستفزني أوول، وأنا من أوائل الناس اللي اتكلمت عن موضوع اللجان، كنت بتهاجم منها، الفكرة إن ممكن حد يسلط لجنة على تفصيلة صغيرة عندك وسط حاجات حلوة كتير، فتتحول لقضية كبيرة".