كمل مسيرتك.. احنا مصر.. احنا غير

احنا مصر.. مصر ام الدنيا.. وح تفضل اد الدنيا.. جملة تحققت ومصر حاليا اد الدنيا واحسن مكان ف الدنيا.. والدليل الأمان والدليل صراخ البعض على مواقع التواصل.. فين مسافة السكة؟.. بس يا ريت يجاوبونا برضوا.. احنا سبق وحذرناكم.. م سمعتوش نصيحتنا ليه ؟ اشتريتوا رادارات وصواريخ وعملتوا قواعد ف بلادكم تدافع عنكم.. عملت ايه وهى عامله دلوقت؟.. قلنا ليكم قوة عربية موحدة.. قلتوا لا ؟ قبل م تقولوا لينا احنا فين.. انتو كنتوا متغيبين ليه؟.. طب عارفين ليه؟ السبب بسيط.. احنا مصر.. احنا غير.. وتحيا مصر ام الدنيا. 

احنا العقل والمنطق والفكر والرؤية المسبقة

احنا مش بنتهز او نفكر فى تصريحات المتهورين او المعتوهين على بعض المواقع.. احنا العقل والمنطق والفكر والرؤية المسبقة.. احنا مصر.. احنا غير.. التاريخ بيعيد نفسه تانى.. فاكرين لما رفضوا السلام والبعض منهم قاطعونا.. ودلوقتي الوضع ايه ؟ الخلاصة ف جملة واحدة.. احنا مصر.. احنا غير..

كمل مسيرتك.. احنا معاك

سيدى العزيز.. عزيز مصر.. كمل مسيرتك.. احنا معاك.. وقبل الكل طبعا ربنا معاك.. يكفينا اننا حافظنا على بلدنا وجهزنا جيشنا وحمينا حدونا.. بجيش من أبناء مصر وبس.. مفيش قواعد.. مفيش حمايه غير من الله وأبناء مصر وبس.. م طلبناش من حد ييجى يحمينا او يعمل قواعد عندنا..

انا ح افضل ابنى واعمر

سيدى العزيز.. عزيز مصر.. احنا دايما فاكرين جملة (انا ح افضل ابنى واعمر ) لذلك ظهر دلوقت الأثر وجايين يخزنوا حاجاتهم فى موانى مصر ومناطق مصر ويسكنوا ف مصر.. تحيا مصر ام الدنيا..

ادخلوها بسلام آمنين

فاكرين حديثكم لما قلتوا ان جملة (ادخلوها بسلام آمنين) ذكرت فى ثلاث مواضع فقط ( الجنة والمسجد الحرام ومصر ) يعنى دى رسالة من السماء ان مصر محروسة وح تفضل محروسة.. ياااه على الثقة.. بينما هم  كل شوية صفارات انذار واحنا قاعدين بنتفرج على مسلسلات رمضان.. هم بيناموا خايفين من الصواريخ واحنا ننام مطمنين.. احنا مصر.. احنا غير.. يا افندم.. كمل مسيرتك.

مصر السند والحماية وطوق النجاة

البعض منهم..حاربونا بالارهاب ودعموه..حاولوا التدخل.. دعموا السلبيين.. لكن دلوقت ؟ هم اللى طالبين نكون ليهم دعم  سند وحماية وطوق نجاة.. ولم نخذل عشمهم  .. احنا مصر.. احنا غير..

حماك الله وقواك دايما

فاكرين كلامك لما قلت ( بقوة السلاح لا حد ح يعدى شرق ولا غرب ) ورسمت ليهم خطوط حمراء.. لانك ثقة وحب وغرام ساكنين جوا قلوبنا.. كمل مسيرتك يا افندم..  حماك الله وقواك دايما علشان خاطرنا.. احنا مصر.. احنا غير..

داعمون الإرهاب ضدنا.. يحتمون بنا الآن

كالعادة من كانوا يدعمون هدم وتخريب مصر بالأمس هم من يحتمون بنا.. وكالعادة مصر لم تخذلهم.. كم انتى عظيمة يا مصر.. احنا مصر.. احنا غير..

مصر هى الأمن والأمان والحماية

مصر هى الأمن والأمان والحماية.. مصر حاجات كتير حلوة م تتحكيش علشان عيون الحاسدين والحاقدين ومن كلام عزيز مصر ( احنا مخبيين كل حاجة علشان م يعرفوش ).. احنا مصر.. احنا غير..

مصر هى النور اللى بينور ليكم الطريق

مصر هى النور اللى بينور ليكم الطريق.. مصر هى الرؤية المسبقة اللى انتو م سمعتوش كلامها ونصيحتها.. مصر هى اللى عملت شوارع بالليزر  فى السماء  لكثافة مرور الطائرات فى أجواء مصر الآمنه.. سيدى العزيز كمل مسيرتك.. احنا معاك.. احنا مصر.. احنا غير.. تحيا مصر ام الدنيا..