الفرحة.. يعنى انت ف مصر وبس
الحمد لله على نعمة اننا فى ام الدنيا مصر.. الحمد لله على نعمة الأمن والأمان.. الحمد لله ان مصر عندها رؤية وشخصية سابقة وقتها وزمانها وسابقة كل اللى حواليها وعامله استعداد لكل الحوارات والسناريوهات.. الحمد لله اننا ف مصر عندنا ارادة وشخصية وليها كلمة وهيبه عند العدو قبل الصديق. مصر اللى قاطعها البعض لما اختارت السلام ، دلوقت جايين يعيشوا فيها ويستقروا علشان نعمة السلام والأمان.. جايين يستثمروا علشان مطمنين انها قوية وبتحمى نفسها بنفسها وبس.. جايين عندنا يستاجروا اماكن سواء بالدقيقة او بالساعة او باليوم لحماية الطائرات والسفن وكل ما يملكون علشان احنا بلد ( ادخلوها بسلام آمنين ).. جايين عارفين ان مصر قوية ومستقرة وجاهزة لكل شىء..
انهم فى مصر القوية الناجحة المستقرة.. مصر السياسة النظيفة الشريفة الوفية فى زمن قل فيه الشرفاء والاوفياء..
احنا عايشين على حلم زرعه فينا عزيز مصر ( انا ح افضل ابنى واعمر ) لكن آخرون معهم المال اتسلطوا على تدمير نفسهم بايديهم وبدلا من السلام والاستثمار والبناء يتبدد ويضيع بعض الاشياء امام أعينهم..
مصر الفرحة فيها موجودة ومستمرة وبتحتفل بكل الأعياد بكل بهجة.. تحيا مصر ام الدنيا
تعال نشوف نقاط مفيش عند اللى حوالينا
١- الناس فرحانه جدا بسبب مدة وقت إغلاق المحلات وبعض الأماكن الأخرى للساعة ١١.. بصراحه كلام ممتاز وجعلنا نفرح.. وبعد ١١.. محدش محتاج حاجه فى الغالب..
٢- مستثمرين جاءوا مصر للاستقرار والاستثمار والاستفادة من امن وامان ام الدنيا وجاهزيتها وقوتها المتنوعة.. فرحة لأصحاب الحرف الى بتبنى وتجهز.
٣- مدارس مستقرة ومفتوحة وحضور يومى وواجبات وتقييمات وأنشطة.. وغيرنا خايف يطلع من المخبأ.. عاش الأمن والأمان فى ام الدنيا.
٤- الترشيد فى الطاقة علشان الازمة.. قرار التزمت به الغالبية وظهرت أفكار جديدة منها تغريدة احد رجال الأعمال عن ضرورة استغلال الطاقة الشمسية كمصدر طاقة فى الكومباوندات والمدن الجديدة لان اللى بيدفع ملايين سهل عليه ١٠٠ اوو٢٠٠ الف وهنا اتمنى تعميم الطاقة الشمسية فى المؤسسات التعليمية التى تستهلك ١٠ ك.و.س ويمكن تمويل ذلك من صندوق المشروعات..
٥- شباب فرحان ببداية استكمال إجراءات التعاقد فى وظيفة معلم مساعد ( الرياضى والطبى وباقى الإجراءات الأخرى ) لكن طالما يوجد عجز واقع فى المعلمين نتمنى سرعة انتهاء الإجراءات والتعاقد قبل بداية العام الدراسي.. كفاياهم انتظار..
٦- تلميحات وزارة التعليم الى اقتراب مسابقة لسد العجز فى العمال والاداريين.. سعادة جديدة لباقي ل فئات اخرى..
٧- نشاط رياضى مستمر وقوى وجمهور يشجع بحرارة..
لكن هنا اقترح ع الدولة استضافة الدوريات المتوقفة فى الدول الأخرى لتعزيز الاستثمار الرياضى وايرادات جديدة للدولة من أقامه وفنادق وتأجير استادات وصالات..
٨- عندك وافدين.. اتمنى عدم قبول وافدين من اى جنسية غير المصرية فى اى مدرسة حكومية
الدعم للمصريين وبس.. ومعاهم فلوس يدفعوها للتعليم الخاص.. المجانية للمصرى وبس..
٩- لو الدولة قررت ان كل شىء مدعم يتم صرفه ببطاقات التموين.. الغير مصريين لن يتمكنوا منه.. خاصة السلع التموينية..
هم جايين طلبا للامان وليس مزاحمتنا فى حياتنا اليومية..
١٠- مواصلاتنا مستقرة ومنتظمة وزى الفل.. لكن ليه غير المصرى يتعامل بنفس تسعيرة المصرى ف مثلا نعمل شباك خارج محطات المترو بحيث يدخل المصرى داخل محطة المترو بهويته ويشتري التذكرة بسعرها اما غير المصرى يشترى التذكرة من الشباك الخارجى بالسعر الغير مدعم.. لحظتها ح يفكروا ف الرجوع ل بلادهم..
١١- الاستقبال فى المستشفيات الحكومية والعلاج للمصريين فقط وغير المصريين يتعامل بالسعر الغير مدعم او يتعالج فى المستشفيات الخاصة.
زى م الدولة وفرت فى الطاقة تقدر توفر فى الصحة والتموين والتعليم والمواصلات ونحمى مواردنا من استغلال اللاجئين لها..
١٢- فى مجال الإسكان.. ممنوع التاجير لغير المصريين الا بموافقة مأمور مركز الشرطة وبعد سداد رسوم الاقامه ونعمل عقد خاص بالتأجير لغير المصريين..
واعتقد ان الإجراءات دى لو اتطبقت على اللاجئين ح تحدث افراح كتيرة لانهم مش ح يواصلوا لما يتعاملوا بالسعر الرسمى الغير مدعم.. وبالتالي ح يمشوا بهدوء.. لان الطبطبة عليهم ف المعيشة ح تنتهى.. دامت الأفراح وعاشت مصر ام الدنيا
تحيا مصر ام الدنيا.. وشكرا للدولة.. وبقولها تانى شكرا على حرية التعبير اللى عايشين فيها بدعم عزيز مصر.. لاننا بنتكلم عن بلدنا اللى كلنا عندنا حب وغيرة علي كل ما فيها..
