ساديو ماني وفن القيادة بعد فوز الستغال على المغرب فى أمم أفريقيا

ساديو ماني قائد نهائي أمم أفريقيا.. قال الكاتب الصحفى أحمد حافظ بعيدا عن المكسب والخسارة وعن كرة القدم عموما.. بالنسبة لي مباراة نهائي بطولة أفريقيا بين المغرب والسنغال.. حرفيا عبارة عن درس في القيادة.. مش معنى إنك مدير تبقى قائد.. مش معنى إنك رئيس على مجموعة تبقى قائد.. مش كل اللي كبير بقى قائد ولا كل اللي اتكلف إنه يبقى قائد ينفع يكون قائد.. ده ملخص الماتش فعلا.

القائد الحقيقي

ساديو ماني قائد نهائي أمم أفريقيا.. السنغال تجيب جول.. الحكم يلغيه.. مع إنه هدف صحيح ١٠٠٪؜ بس اتلغى ظلم.. السنغال تكمل الماتش.. الحكم يحسب ضربة جزاء للمغرب في آخر دقيقة.. مدرب السنغال يقرر ينسحب.. ومش هيكمل الماتش.. اللاعيبة خرجت من الملعب.. مسئولي السنغال يدعموا قرار المدرب إنهم ما يكملوش الماتش.. الكل خرج من الملعب.. لحد ما ظهر القائد الحقيقي.. اللاعب ساديو ماني.. قال لأ.. صرخ في اللاعيبة والمدرب بتاعه: مش هننسحب وهنكمل الماتش.. ارجعوا العبوا برجولة.. هنلعب باقي الماتش (اللي هي دقيقة واحدة أصلا).

ساديو ماني قائد نهائي أمم أفريقيا.. وفعلا المدرب استجاب.. ساديو ماني رجّع زمايله واحد واحد للملعب.. العبوا برجولة.. وتتلعب ضربة الجزاء وتضيع من المغرب في آخر لحظة ويتلعب وقت إضافي وتكسب السنغال وتاخد البطولة من المغرب.

ساديو ماني قائد نهائي أمم أفريقيا.. ده القائد الحقيقي.. مش هو المدرب بس قائد.. مش هو مسئول الرياضة في السنغال بس قائد.. مش هو صاحب القرار بس قائد.. القائد اللي صدق نفسه ورفض يستسلم وينسحب ويهدي الفوز للمنافس وقرر يحارب لآخر نفس.

ساديو ماني قائد نهائي أمم أفريقيا.. واضاف متخيل نفسك معاك جيش وبتحارب منافس وانت مش معاك ولا رصاصة وهو معاه رصاصة واحدة (ضربة جزاء في آخر دقيقة).. يعني خلاص مفيش مفر من الهزيمة.. بس انت كقائد رفضت ترفع الراية البيضاء وتستسلم وتهديله الفوز رغم إن قائد الجيش بتاعك (المدرب) قالك لأ مش هكمل المعركة دي.. فتتولى انت القيادة وتاخد القرار وتكسب.. فانت قائد عظيم وصاحب قرار وبطل.

ساديو ماني قائد نهائي أمم أفريقيا.. القيادة إنك تتحمل المسئولية.. تكون في وش المدفع لا تخاف ولا تهرب وتقرر تكون أو لا تكون.. القيادة انك تكون صاحب قرار وكلمة في الوقت اللي الكل ممكن يفكر يهرب.. القيادة إن يبقى عندك رؤية.. شهامة.. ثقة.. القائد يركز على الجماعة مش على شخصه.. يتمرد على قرار خاطيء علشان يخدم اللي حوليه مش نفسه.. ييسر النجاح مش يمهد ويستسلم للفشل.. يخللي الكل يثق فيه وفي قراراته حتى لو ضد التيار.. القائد قدوة.. قبل ما تبقى قائد خليك قدوة في المسئولية وحُسن التصرف علشان لما تفرض رأيك وقت مشكلة حقيقية تبقى محمي بثقة اللي حوليك فيك وتجبر الزميل والمدير إنه يستسلم ليك.