المغرب يعلن خطة تعويم الدرهم تحت شعار "حتى لا نكون مثل مصر" .. واقتصاديون يردون علي الأكاذيب المغربية
كشف المحلل الاقتصادي محمد نجم عن خطة دولة المغرب لتسويق قرار تعويم الدرهم تحت شعار "حتى لا نكون مثل مصر".
معانا النهاردة زبون جديد هو البنك
المركزي المغربي(مصرف المغرب) وكل وسائل الاعلام اللى نقلت عنه تصريحات لا تمت
للعلم والمدارس ولا الحضانة بأي صلة
.
الحقيقة الموضوع فضيحة , مش عارف ازاي محدش راجعهم جوة المغرب ولا برة
المغرب ولا كأن فيه حاجة حصلت
لحد ما الموضوع وصل لمصر , وتناقلته شوية جرايد ومواقع درجة تالتة كالمعتاد
اشقائنا المحترمين فى البنك المركزي المغربي حبوا يعملوا حملة تسويق ودعاية
لتحرير سعر الصرف اللى ناويين يبدأوا فيه مع سلسلة اصلاحات اخري ودة شيء كويس وفكر
محترم عشان يمهد الناس للي هيحصل
المهم راحوا جايبين مصر كنموذج مقارنة وعينك ماتشوف الا النور
.
اولا : مصر متتقارنش بالمغرب , دى اول غلطة
مينفعش نتحط فى جدول واحد
لان الظروف وبنية السوق ومكونات الاقتصاد والمعطيات السياسية والاجتماعية
مختلفة تماما
.
ثانيا : قالوا ان مصر فيها سعر الدولار فى السوق السودا وصل للضعف
ومش كاتبين اي مدي زمني للمقارنة
طبعا انا قولت اكيد يقصدوا قبل 3 نوفمبر ولو دة قصدهم يبقة عندهم حق
بصيت فى الخانة اللى فوق لقيتهم كاتبين : نسبة التضخم فى مصر وصلت ل23%
قعدت افكر , لقيت ان 23% دى لم تتحقق فى تاريخ مصر اخر 10 سنين (120 شهر
كاملين) غير مرتين
1 / 2009 بعد الازمة المالية العالمية
2 / فى شهر ديسمبر 2016 وتم الاعلان عنها فى بداية الشهر اللاحق وهو يناير 2017
مصادر :
1 - نسبة التضخم اخر سنة : https://goo.gl/hytB4c
2 - نسبة التضخم اخر 5 سنوات : https://goo.gl/Xhpr8R
3 - نسبة التضخم اخر 10 سنوات : https://goo.gl/jxmfU9
** وطبعا واضح من المقارنة انها تقصد الوضع مؤخرا بعد تحرير سعر الصرف فى
مصر
لان مصر فى 2009 معملتش اي تحرير للصرف ولا تخفيض حتي ولا قربنا من العملة
اصلا
يعني المدي الزمني للمقارنة ديسمبر/يناير 2017
.
- هل سعر السوق السودا كان الضعف (100% السعر الرسمي) فعلا ؟!!
- فى المدي الزمني دة كانت السوق السودا متطابقة مع سعر البنوك او بفارق
قروش بسيطة جدا والتداولات ضعيفة , موجودة لكن ضعيفة عكس فترة ما قبل 3 نوفمبر
تماما
سعر الدولار في السوق السودا بنفس المدي الزمني :
https://goo.gl/oWM8Af
https://goo.gl/Klivxz
.
- طب هل مثلا كل خانة ليها تاريخ ؟
يعني التضخم عاملينو عن شهر يناير وسعر السوق السودا عن شهر اكتوبر !
دى كدة تبقة فضيحة اكبر واكبر , دة كدة الكائن حي اللى عمل المقارنة دى
مدخلش مدارس حرفيا وكدة احنا نبقة كرمناه لما نوصفه بالوصف دة
.
- طب هما ليه عملوا كدة !
يعني انت عشان تقنع شعبك باجراء صعب هتتخذه , تفبرك فى المعلومات وتهاجم
دولة تانية بمعلومات غلط كمان! يعني بتضلل الناس بدل ما تكون صادق معاهم !!
وبتسوق خطتك بالكذب والتدليس
.
- طب المواقع والجرايد اللى نقلت , ازاي عدي عليها غلطة زي دى ؟
هو غالبا بنسبة 99.99% كانوا عارفين ان المقارنة والارقام غلط بس نشروها
بدون التنبيه علي القاريء لانها جاية فى صالح توجهاتهم السياسية
زي الجزيرة مثلا : https://goo.gl/fosXew
دايما لما بتدخل السياسة علي الارقام , بيطلعلنا منتج اقتصادي مكون من هذي
وجنون وجهل وفقط
طبعا انا مش مستغرب
لان الجزيرة مفهوم موقفها من مصر والمغرب وان سياسة التحرير مسيسة وغير
مهنية علي الاطلاق
.
عيب وفضيحة ان مؤسسة بحجم مصرف المغرب تغلط غلطة زى دى
واحنا فعلا نتمني كل التوفيق والنجاح لتجربة الاصلاح المغربية
اقتصاد قوي ودولة كبيرة وشعب عظيم
ومعنديش مشكلة ابدا انهم يتعلموا من اخطائنا
بس دة مش معناه اننا نغض الطرف عن اي هذي وتخاريف
يعني اتعلم من خطأ حقيقي مش تختلق خطأ من خيالك وتقعد ترد وتغني علي نفسك
وبردو مش معناه اننا بنعمم كلامنا علي كل المغرب وكامل احترامي لهم
