التعليم تيجب على استفسارات المعلمين بشأن مشاكل ضم المدد السابقة
الخميس 25/يناير/2018 - 05:37 م
اجاب الدكتور محمد عمر مساعد وزير التربية والتعليم ومدير صندوق دعم وتمويل المشروعات التعليمية والتى وردت من المعلمين والتى جاءت كالتالى:
اولا:اللى مش نازلة استمارة الضم على صفحته يعمل ايه ؟
هتتوجه لقسم الاحصاء لمراجعة بياناتك
ثانيا: اللى ضم بقضية هل يسجل تانى دلوقتى ؟
حضرتك ضميت خلاص والصحيفة اتغيرتلك وسويت بالفعل يبقى خلاص كدا
ثالثا:الضم لايه بالضبط للمعلم المساعد ولا اللى قبله ؟؟
الضم لفتره العقد او الحصة ولكن معلم مساعد لا مش هتتسجل ومع ذلك هنسال فيها تانى ... بالفعل سالت وتم افادتى ان المعلم المساعد مالهاش ضم اللى قبلها بس سواء عقد عادى او شامل او حصة
رابعا:هل اللى هيسجل كدا يبقى هيضم خلاص والصحيفة هتتغير ؟؟
مايحدث الان هو حصر لكل المعلمين اللى عايزين يضموا حضرتك هتدخل تسجل وبعدها سيصدر قرار وان شاء الله للكل بس التسجيل جزء من الاجراءات للضم بمعنى حضرتك هتطبع الاستمارة بعد انتهاء التسجيل للمدد او خدها اسكرين شات واطبعها واحتفظ بيها
خامسا:هل المعلم المساعد ليه ضم ؟؟
الوزارة قالت واكدت من اول معلم مساعد الكل هيضم
سادسا:الزملاء اللى عندهم مشكله فى التواريخ نفترض هتكتب تعيين يوم 3 شهر 4 سنة 2012 يكون كالتالى 03/04/2012 كدا هيتسجل صح لكن اللى كاتب 3 /4 / 2012 مش كاتب صح
سابعا:لو معلمة واخده اجازة مرافقة زوج او رعايه طفل ومش نازلها استمارة تعمل ايه ؟
تراجع قسم الاحصاء بادارتها للبيانات
ثامنا:متى اخر موعد للتسجيل ؟
التسجيل ليوم 15 فبراير ولن يجدد تانى ده اخر معاد
تاسعا:المديريات والادارات مش معترفه بالضم نعمل ايه ؟
جارى البحث لارسال تعليمات لكافة الادارات التعليمية بخصوص ذلك
عاشرا: هل فتره العمل بمدرسة خاصة او الجامعه او جهه غير التعليم يتم ارفاقها ؟
سجل اى فتره مادام قبل معلم مساعد وكله هيتفحص وهيتم اتخاذ قرار وحينها هننشره باذن الله
