Advertisements

رسالة تدمى القلوب من معلم لوزير التعليم

الثلاثاء 16/يونيو/2020 - 11:25 ص
السبورة
 
Advertisements

ارسل معلم رسالة مبكية تخلع القلوب معالي الوزير الفاضل لو سمحت انا لو جالي مراقبة ثانوية عامة قسما بعزة جلال الله مفيش معايا فلوس ادفعها في المواصلات عشان اروح الملاحظة وانتظرها بعد ٦ شهور

قولي أعمل إيه لو جالي ندب أنا قاعد بدعى ربنا إن ميجيش جواب ندب عشان مش حقدر اروح عشان معنديش فلوس اخدها من البيت عشان أدفعها في المواصلات زي مابقولك كده والمثل الشعبي بيقول اللي يعوزه البيت يحرم علي الجامع

معلم خبير ٣٣سنة خدمة في التربية والتعليم مرتب ٢٩٠٠جنيه متزوج والأسرة مكونة من خمس أفراد هل يكفو معيشة وكهرباء وغاز ومياه ومواصلات ثانوية عامة

ياريت تتكرم عليه معالي الوزير لو شوفت منشوري تقولي أعمل إيه بالله عليك ومش بمثل ولا بعمل شو إعلامي كل اللي قولته حقيقة. مفيش حيلتي أي حاجة ناقص أقولك إيه تاني

في إنتظار ردك لو حضرتك بتشعر بمأساة المعلم

 مع العلم هاصرف باسعار ٢٠٢٠ مئات الجنيهات  وهاقبض علي أساسي ٢٠١٤ ملاليم

Advertisements

تعليقات Facebook