فكرة مشروع بـ 60 جنيها.. واجرنا على الله
الخميس 21/يناير/2021 - 07:59 م
نشر نشطاء موقع التواصل الاجتماعى فكرة مشروع لا يتكلف على الفرد 60 جنيها.. واجره عند الله اكبر بكثير لانك سوف تطعم جائع او فقير او مسكين.
وواصل النشطاء "هتشتري بـ 15 جنيها فينو يعني 30رغيف من المخبز، و 15 بيضة هتسلقهم، وعلبة جبنة فيتا ربع كيلو بـ 5 جنيهات.. و10 جنيهات لانشون او نستو، وتعمل كل ده سندوتشات - كل اللي انا قولته ده هيكلفك 44 جنيها.. باقي 16 جنيها هتجيب كرتونة نضيفة وتحط فيها ورق ابيض نضيف وترص فيها السندوتشات بالترتيب وبفواصل ورق بين كل صنف والتاني.."
وتابع "الكرتونه والورق هيكلفك جنيه، وتشتري ب 2.5 جنيه اكياس تلاجه، هتجيب 3 كيلو برتقال او يوسف وتجيب الفينو طازه الصبح وتعمل كل السندوتشات بنضافه وبراحه من غير بهدله ولو مبتعرفش خلي حد يساعدك واتعلم انت تعمل واملي السندوتش كويس وتحط ف كل كيس برتقاله - كل التكلفه بقت 60 جنيها زي ما انت عايز ولو فرقت شويه عادي كله لربنا والله..
واختتم النشطاء "لحد كدا تمام المشروع دا تجارة مع الله.. هتنزل تمشي ع ( الكورنيش .. قدام الجامعة .. الطريق .. اي كوبري.. عمال النظافه في الشوارع او محطات المترو...الخ ) هتلاقي ناس ع باب الله.. اكلها فـ اليوم مبيتعداش ٢ جنيه.. هتسلم عليه وتديله كيس وانت بتبتسم.. البرد دا صدقته عند ربنا اجرها عالي والله يضاعف لمن يشاء.."
