معلم بدرجة "فتوة".. مستر حسن بطل العالم في ضرب الطلاب
الجمعة 22/أكتوبر/2021 - 07:56 م
تداولت إحدي صفات التعليم علي موقع التواصل الاجتماعي "فيسبوك" شكوي لإحدي أولياء الأمور تشتكي من تعرض أبنها للضرب المبرح علي يد معلم اللغة العربية في المدرسة
وإليكم نص الشكوي :
مساء الخير هو ينفع ان مدرس اللغه العربيه الاستاذ المحترم مستر حسن يضرب الولد لحد ماوشه يوصل لكده
الا حصل ان ياسين رجع قعد ف الدسك الاخير علشان الديسك ضيق عليهم لان قاعد 3اولاد ف الديسك وهو مزنوق فالمستر قاله ارجع اقعد مكانك فقاله يامستر المكان ضيق قاله لا ارجع اقعد مكانك فالولد رجع مكانه بكل ادب واحترام فرجع ولد تانى قعد ف نفس الديسك الا ياسين كان قاعد فيه ف ياسين سال المستر ليه مرجعتش الولد يقعد ف مكانه زى مارجعتنى يامستر
فالمستر قال لياسين تعالى راح ياسين لمستر حسن والاستاذ الفاضل خلى الولد واقف ونزل ع وشه تلطيش بالاقلام وقاله ارجع اقعد مكانك رجع ياسين مكانه والمستر وهو بيشرح قال ضربو مصطفى كامل زى مانا ضربت ياسين دلوقتى خلو بقيه الاولاد الا ف الفصل يضحكو عليه .
وبعد كده بيامره ان يقوم يقفل الباب بتاع الفصل فالولد رفض فقاله مره تانيه فالولد رفض فالته تالته مره فالولد خد شنطته ومشى م الفضل خالص هل ده يدفع بنفع .
انا ادخل ابنى مدرسه ويرجع مضروب كده
هو مش فيه قرار بمنع الضرب ف المدارس ولا ايه هو الولد غلط في ايه ان هو يستاهل الضرب بالطريقه دى
تعديل 1
اولا ياجماعه انا نزلت المنشور وبعدين نزلنا عملنا المحضر وادمن الجروب نزله تانى يوم لما كنا احنا عملنا المحضر خلاص
ثانيا انا بشكر الناس الاهتقف جنبى والناس الا واقفه جنبى بالفعل
ثالثا الناس المعقده الا جايه تشوه صوره الولد وتقولى ربى الولد او ان الولد استفز المدرس ان شاءلله ابنك او بنتك هيتعمل فيهم اكتر م كده ومش هتلاقى حد يدعمك ويقف جنبك يا انسان يامعقد.
