الأربعاء 29 يونيو 2022
رئيس مجلس الإدارة
محمد ابراهيم نافع
رئيس التحرير
محمد الصايم
تغريدة وبوست

مكة محمد طبيبة القصر العيني .. «ضحكت على نص السوشيال ميديا»

الجمعة 15/أبريل/2022 - 02:23 م
مكة محمد
مكة محمد

في واحدة من القصص التي تكشف عن التزييف والنصب الذي يتعرض له رواد مواقع التواصل الاجتماعي مكة محمد" طبيبة القصر العيني وإليكم التفاصيل

النهاردة واحدة من اكثر الحاجات اللي بحث عنها المصريين ... هي طبيبة الاسنان مكة محمد.. مكة واحدة من اكثر الناس انتشارا الفترة اللي فاتت.. دكتورة اسنان في القصر العيني ... الاف المتابعين على فيس بوك وعلى انستجرام .. قدرت تبقى شخص مشهور على السوشيال ميديا مش لانها بتقدم محتوى طبي مثلا او لانها بتقدم محتوى علمي .. لا لأنها بنت جميلة. 

لكن خد دي .. لا دي بنت ولا اسمها مكة ولا دكتورة ولا القصر العيني اسمه القصر العيني اصلا .. اومال ايه .. قالك دا ولد عمل اكونت فيك .. وسماه مكة محمد .. وطبعا عمل هيستوري للشخصية زي انها اتخرجت من كلية طب سنة كذا واشتغلت في كذا .. وشوية صور اتعدلت بالفوتوشوب .. يعني البنت دي مش بنت اصلا .. شخص مش موجود .. صور عادية واتعملها تعديل علشان تبقى بالشكل دا..

طيب وهو استفاد ايه يعني ؟ 

- كروت شحن .. مكة كانت بتطلب من الناس يشحنولها كرت بـ 100 اتصالات ... فاضرب مثلا لو اللعبة دي دخلت على 100 واحد .. مع اني فيه 500 واحد ممكن يعملوا دا لشخصية مشهورة يعني 50 الف جنيه.

- فلوس من دعاية واعلانات بالعبيط ..

- شهرة .. الشهرة مرض .. مرض بيخلي الانسان يعمل اي حاجة علشان يحصل عليه .. الشهرة شهوة زيها زي الاكل ..

القصر العيني نفى ان يكون فيه طبيبة اسنان عندهم اسمها مكة محمد .. بل والاكونت نفسه اتقفل بعد ما اتعرفت حقيقته..

 اهو درس جديد يخليك متصدقش كل اللي تشوفه على السوشيال ميديا .. ودرس يعلمك ان فيه ناس عندها الوقت والمخ انها تعمل شخص وهمي وتعيش حياتها وراه .. وتستفيد من دا .. شخص ممكن يكون جارك اصلا وانت متعرفش انه كدا..